Saudaŭskaja Aravija admoviłasia ad udziełu ŭ zapłanavanych pieramovach z udziełam Rasii ab mahčymym abmiežavańni zdabyčy nafty krainami, jakija nie ŭvachodziać u APIEK.
Pieramovy, zapłanavanyja na 28 listapada ŭ Vienie, admienienyja. Pra heta paviedamiła Radyjo Svaboda sa spasyłkaj na ahienctva Bloomberg.
Krainy-čalcy APEK praviaduć unutranuju sustreču, na jakoj pasprabujuć urehulavać svaje roznahałośsi. U pryvatnaści, havorka idzie pra mahčymaje skaračeńnie abjomaŭ zdabyčy nafty Iranam i Irakam, paviedamili dva delehaty APIEK, jakija pažadali zastacca ananimnymi. Pra heta infarmuje «Niamieckaja chvala».
Iran damahajecca ad partneraŭ zhody na adnaŭleńnie svajoj naftazdabyčy da ŭzroŭniu, jaki papiaredničaŭ mižnarodnym sankcyjam suprać Tehierana. Irak patrabuje dla siabie vyklučnych umoŭ, tłumačačy, što terminova maje patrebu ŭ naftavych dachodach dla baraćby z džychadystami.
Pradstaŭniki Saudaŭskaj Arabii śćviardžajuć, što nieabchodna ŭrehulavać roznahałośsi ŭnutry APEK, pierš čym vieści pieramovy z takimi krainami, jak Rasieja.
Paśla źjaŭleńnia infarmacyi pra zryŭ pieramovaŭ cana na naftu marki Brent na londanskaj biržy ŭpała na 3,6 adsotka da 47,24 dalara za baral, cana na naftu marki WTI na ńju-jorkskich biržach upała da 46,06 dalara za baral.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary