U Minsku na vuł. Jakuboŭskaha siońnia ranicaj «BMV» prataraniŭ piać aŭtamabilaŭ, paciarpiełych niama, paviedamiŭ BiełTA staršy inśpiektar DPS Frunzienskaha RAUS Minska Dźmitryj Drobat.
Z tłumačeńnia kiroŭcy 1973 hoda naradžeńnia vynikaje, što jon nie spraviŭsia z kiravańniem aŭto na mokraj darozie. «Mužčyna zanadta mocna nacisnuŭ na piedal hazu, mašyna pačała prabuksoŭvać, a zatym irvanuła napierad. Kiroŭca sprabavaŭ jaje ŭtrymać, ale nie spraviŭsia. Sa słoŭ uładalnika, jon nie zrazumieŭ, jak heta adbyłosia, prajaviŭ u niejki momant niaŭvažlivaść», — raspavioŭ Dźmitryj Drobat.
Lehkavy aŭtamabil «BMV» začapiŭ «Nisan», jaki stajaŭ napieradzie, a zatym ź vialikaj siłaj urezaŭsia ŭ «Tajotu», jakaja ad udaru ŭjechała ŭ aŭtamabil «Reno». «Reno» zakaciłasia pad hruzavik «Mersedes», a toj urezaŭsia ŭ aŭtamabil «Aŭdzi». Mašyny vielmi mocna paškodžanyja.
Kiroŭca BMV, pa jaho słovach, straciŭ prytomnaść u momant, kali raskryłasia paduška biaśpieki. Chutkaja miedycynskaja dapamoha jamu była akazanaja na miescy DTZ, nieabchodnaści ŭ špitalizacyi nie było.
Minčuk maje niemały staž kiroŭcy. U ciapierašni čas pravodzicca pravierka abstavinaŭ zdareńnia.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary