Zabrudžanaść pavietra ŭ zonach dla niekurcoŭ u niekatorych kaviarniach Minska ŭ 12 razoŭ vyšejšaja za normu
Vałanciory Biełaruskaha tavarystva abarony spažyŭcoŭ (BTAS) paraŭnali jakaść pavietra ŭ zonach dla kurcoŭ i niekurcoŭ va ŭstanovach hramadskaha charčavańnia, paviedamili ahienctvu «Minsk-Naviny» ŭ arhanizacyi.
— Manitorynh pavietra pravodziŭsia ź lutaha pa červień 2016 hoda, — raspaviała staršynia BTASHanna Suša. — U chodzie daśledavańnia naviedali 22 ustanovy ŭ Minsku i pa adnoj u Mahilovie i Bieraści: 5 ź ich byli całkam svabodnymi ad tytuniovaha dymu, u 9 mielisia asobnyja zony dlakurcoŭ i niekurcoŭ, u 10 kureńnie dazvalałasia na ŭsioj terytoryi. Tam, dzie byli paasobnyja zony dla kurcoŭ i niekurcoŭ, vymiareńni pravodzilisia ŭ abiedźviuch zonach.
Jak patłumačyła surazmoŭnica, u dymie ad cyharety ŭtrymlivajecca mnostva drobnadyśpiersnych čaścic. Dla vymiareńnia kolkaści čaścic užyvali śpiecyjalny prybor SIDEPAK Aerosol Monitor.
— Va ustanovach, dzie kureńnie dazvolenaje na ŭsioj terytoryi, naziraŭsia samy vysoki ŭzrovień zabrudžvańnia niebiaśpiečnymi čaścicami (u siarednim 246 mkh/m3), heta amal u 25 razoŭ bolš, čym praduhledžvajuć standarty jakaści pavietra, ustanoŭlenyja Suśvietnaj arhanizacyjaj achovy zdaroŭja, — adznačyła Suša. — Va ŭstanovach, dzie praduhledžanyja dźvie zony, u častcy, pryznačanaj dla kurcoŭ, uzrovień zabrudžvańnia taksama byŭ vysokim (u siarednim 234 mkh/m3) — bolš čym u 23 razy vyšejšy, čym praduhledžvajuć standarty jakaści pavietra. U zonach niekurcoŭ u hetych ustanovach ŭzrovień zabrudžvańnia drobnadyśpiersnymi čaścicami skłaŭ 115 mkh/m3 — u 11,5 razy vyšej, čym praduhledžvajuć standarty jakaści pavietra, ustanoŭlenyja SAAZ. U niekatorych ustanovach uzrovień zabrudžvańnia byŭ bolš za 300 mkh/m3, što ličycca niebiaśpiečnym dla zdaroŭja.
Pa słovach surazmoŭnicy, jak praviła, efiektyŭnaść pracy vientylacyjnych sistem abjektaŭ hramadskaha charčavańnia pakidaje žadać lepšaha. Samaja biaśpiečnaja dla zdaroŭja atmaśfiera tam, dzie kureńnie całkam zabaronienaje. U takich ustanovach naziraŭsia samy nizki ŭzrovień zabrudžvańnia — bolš čym u 20 razoŭ nižej, čym u miescach, dzie kureńnie dazvolena na ŭsioj terytoryi (u siarednim 12 mkh/m3 suprać 246 mkh/m3).
Jakaść pavietra, pavodle dadzienych ahienctva pa achovie navakolnaha asiarodździa ZŠA, pryniata ličyć dobraj, kali indeks jakaści pavietra składaje 0-50, utrymańnie drobnadyśpiersnych čaścic kala 15 mkh/m3. Siarednim — 51-100 (16-40 mkh/m3).
Kamientary