Pad Babrujskam za suviaź ź VIČ-infikavanaj niepaŭnaletniaj zatrymany 56-hadovy staršynia sielsavieta

U Babrujskim rajonie 21 listapada byŭ zatrymany staršynia adnaho ź sielsavietaŭ. Čynoŭniku pradjaŭlena abvinavačvańnie pa artykule 168 Kryminalnaha kodeksa Biełarusi — «Pałavyja znosiny i inšyja dziejańni seksualnaha charaktaru z asobaj, jakaja nie dasiahnuła šasnaccacihadovaha ŭzrostu». Skandał razhareŭsia paśla taho, jak vyśvietliłasia, što 14-hadovaja miascovaja žycharka źjaŭlajecca nośbitam VIČ-infiekcyi.

Pavialičyć

U sielsaviecie abaviazki zatrymanaha vykonvaje sakratar, a kalehi mužčyny kažuć, što ŭsio toje, što adbyłosia dla ich — jak hrom siarod jasnaha nieba.

— Jon dobry kiraŭnik, zaŭsiody ŭdumvaŭsia ŭ sutnaść prablem i staraŭsia ich vyrašyć, — raspaviadajuć kalehi. — U paniadziełak voś pavinien byŭ vyjści na pracu z adpačynku, ale jaho vyklikali ŭ Babrujsk i tam zatrymali.

Vyśvietliłasia, što ŭžo 16 listapada čynoŭnik, jaki sumiaščaŭ dźvie pasady — staršyni sielsavieta i kiraŭnika sielskaha vykankama — napisaŭ zajavu na zvalnieńnie pa ŭłasnym žadańni. Paźniej, pa słovach jaho kalehaŭ, rašeńniem siesii rajsavieta jaho pazbavili deputackaha mandata. Ale miascovyja žychary pierakananyja: ich staršynia, a ŭ minułym — školny nastaŭnik, prosta nie moh spakusić niepaŭnaletniuju. Situacyja žyva abmiarkoŭvajecca ŭ hramadskich miescach, uklučajučy miascovuju biblijateku.

— Kali treba, to my budziem jaho adstojvać, — havorać jaje naviedvalnicy.

Žoncy 56-hadovaha abvinavačanaha, jakaja ŭ minułym taksama była nastaŭnicaj, miascovyja žychary spačuvajuć. Sama ž žančyna, zhledzieŭšy na parozie chaty žurnalistaŭ, u vyrazach nie saromiejecca.

— Idzicie na … — dźviery ŭ dvuchpaviarchovy katedž z hrukatam začyniajucca.

Pavialičyć

Mama 14-hadovaj dziaŭčynki, naadvarot, prapanuje nam zajści ŭ dom. 38-hadovaja žančyna adna vychoŭvaje dvaich dziaciej i pryznajecca, što małodšaja dačka z 12 hadoŭ adbiłasia ad ruk.

— A dzie jana ciapier?

— Paniaćcia nie maju. Napeŭna, u Paryčy pajechała, — paciskaje plačyma naša surazmoŭnica. — Jana mnie nie dakładvaje.

Pa słovach mamy, viasnoj dačka pačała skardzicca na boli ŭ žyvacie, adpraviłasia da doktara i paviedamiła, što ciažarnaja.

— Ja nastajała na aborcie. Dačka lubić dziaciej, jana b hladzieła dzicia, ale mnie adnoj usich nie paciahnuć, — kaža žančyna, jakaja pracuje dajarkaj na miascovaj fiermie. Analizy, jakija zdała jaje dačka pierad štučnym pieraryvańniem ciažarnaści, pakazali — dziaŭčynka źjaŭlajecca nośbitam VIČ-infiekcyi.

— Chłopcy, ź jakimi jana sustrakałasia, taksama zdali analizy — jany absalutna zdarovyja, — praciahvaje apoviad žančyna. — A ŭ nas usio paćvierdziłasia. Ciapier voś pavinny vypisać niejkija leki.

— A pry čym tut staršynia sielsavieta?

— Miedycynskaje ŭstanova prainfarmavała «orhany» ab tym, što ŭ majoj dački vyjaŭlenaja VIČ-infiekcyja. Pačali vyśviatlać, što dy jak. Voś dačka i skazała, što ŭ jaje była suviaź sa staršynioj. A jon ža niekali ŭ mianie matematyku vykładaŭ!

Pavialičyć

Maci dziaŭčynki kaža, što padrabiaznaściaŭ intymnaha žyćcia svajoj dački nie viedaje — taja nie raspaviadaje, z kim sustrakajecca. Tamu žančyna nie moža z upeŭnienaściu skazać, što adbyłosia na samaj spravie.

Va ŭpraŭleńni Śledčaha kamiteta pa Mahiloŭskaj vobłaści paćvierdzili, što mužčyna byŭ zatrymany 21 listapada, u dačynieńni da jaho abranaja miera strymańnia ŭ vyhladzie zaklučeńnia pad vartu.

Pavialičyć

• 0
• 0
• 0
• 0
• 0
• 0
• 0
• 0