Zapuščany da MKS kaśmičny hruzavik «Prahres-MS04» prykładna praz šeść chvilin paśla startu z kasmadroma «Bajkanur» pierastaŭ pieradavać na ziamlu dadzienyja ab stanie svaich sistem, piša VVS.
«Paviedamlajem, što siońnia paśla pusku rakiety-nośbita «Sajuz-U» z transpartnym hruzavym karablom «Prahres MS-04» z 383-j siekundy źnikła telemietryja. U ciapierašni čas śpiecyjalisty «Raskosmasa» vyśviatlajuć situacyju», — paviedamili ŭ «Raskosmasie».
U CKP zajavili, što karabiel adździaliŭsia ad treciaj stupieni rakiety-nośbita, vyjšaŭ na pramiežkavuju arbitu i ŭziaŭ kurs da Mižnarodnaj kaśmičnaj stancyi. Paźniej źjaviłasia infarmacyja, što ruchavik treciaj stupieni karabla moh vyklučycca raniej za termin, z pryčyny čaho jon nie vyjšaŭ na raźlikovuju arbitu.
Paźniej «Raskosmas» paviedamiŭ, što strata karabla adbyłasia na vyšyni kala 190 km nad ciažkadastupnaj biaźludnaj harystaj terytoryjaj respubliki Tuva, i bolšaść frahmientaŭ zhareli ŭ ščylnych płastach atmaśfiery.
Krynicy na kasmadromie paviedamlajuć, što pry prachodžańni praz atmaśfieru adbyŭsia raspad karabla na paŭtara-dva dziasiatki častak.
U «Raskosmasie» padkreślili, što «strata hruzavoha karabla nie adabjecca na narmalnym funkcyjanavańni sistem MKS i žyćciadziejnaści ekipaža stancyi».
Na borcie «Prahresu» było 2,5 tony hruzu, u pryvatnaści, paliva dla dazapraŭki MKS, vada i pavietra, navukovaje abstalavańnie i kamplektujučyja, kantejniery z praduktami charčavańnia, adzieńnie, miedykamienty i srodki asabistaj hihijeny dla členaŭ ekipaža.
Stykoŭka karabla z MKS była zapłanavanaja na 3 śniežnia 2016 hoda.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm11
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary