Były ministr adukacyi Francyi Bienua Amon i były premjer-ministr krainy Manuel Vals stali lidarami pa vynikach pieršaha tura prajmieryz sacyjalistaŭ u Francyi.
Pa papiarednich dadzienych, Amon nabraŭ 35,21% hałasoŭ, Vals - 31,56%. Na trecim miescy — eks-ministr ekanomiki Arno Mantebur, za jakoha prahałasavali kala 18% vybarcaŭ.
Lidar sacyjalistaŭ i dziejučy prezident Francyi Fransua Ałand vyrašyŭ nie ŭdzielničać u pieradvybarčaj kampanii.
Druhi tur papiarednich vybaraŭ projdzie 29 studzienia, pavodle jaho vynikach budzie vyznačany kandydat u prezidenty Francyi ad Sacyjalistyčnaj partyi na vybarach 2017 hoda. Pieršy tur — 23 krasavika.
Pavodle apošnich dadzienych sacapytańniaŭ, u nivodnaha z patencyjnych kandydataŭ-sacyjalistaŭ niama vialikich šancaŭ dasiahnuć finalnaha raŭnda prezidenckich vybaraŭ.
Jak čakajecca, na pasadu prezidenta krainy ŭ vyniku budzie pretendavać były premjer-ministr Francyi, kansiervatar Fransua Fijon i lider «Nacyjanalnaha frontu» Maryn Lo Pen.
Bolšaść palitołahaŭ miarkujuć, što najbolšyja šancy na pieramohu — u Fijona. Siarod jaho pieradvybarnych abiacańniaŭ - źnižeńnie padatkaŭ dla biźniesu, źmiakčeńnie pracoŭnaha zakanadaŭstva i skaračeńnie kolkaści rabotnikaŭ biudžetnaj śfiery, piša Bi-bi-si.
-
Šviejcaryja vystupiła suprać abmiežavańnia kolkaści nasielnictva
-
Epatažny śpiavak Oliver Tree i jašče piać čałaviek zahinuli ŭ Brazilii paśla sutyknieńnia viertalotaŭ
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
Kamientary