Internet-pravajdar «Atłant Telekam» z 1 sakavika pavyšaje košt taryfnych płanaŭ dla fizičnych i jurydyčnych asob u siarednim na 11%, paviedamlajecca na sajcie kampanii.
Akramia taho, absłuhoŭvańnie niekatorych archiŭnych taryfnych płanaŭ budzie spynienaje, a abanientam (kala 2,8% ad bazy) na praciahu miesiaca prapanujuć pierajści na bolš aktualnyja taryfnyja płany.
Jak paviedamiŭ pravajdar, «uličvajučy patreby i pažadańni abanientaŭ», z 1 sakavika 2017 hoda zdymajucca ŭsie abmiežavańni pa abjomie chutkasnaha trafiku na dastupnych dla padklučeńnia taryfnych płanach dla pryvatnych klijentaŭ.
Tak, z nastupnaha miesiaca abanienty taryfnaha płana «Wi-Fi łajt» (78 kanałaŭ, u tym liku 1 HD) ź nieabmiežavanym trafikam buduć płacić 19,9 rubla, a samy darahi taryfny płan «Premium Plus» (98 kanałaŭ, u tym liku 18 HD plus 2 TB-prystaŭki ŭ karystańnie) budzie abychodzicca ŭ miesiac u 49 rubloŭ.
Nacyjanalny apieratar suviazi «Biełtelekam» taksama pavysić košt šerahu svaich pasłuh 1 sakavika. U pryvatnaści, jak paviedamiła pres-słužba RUP «Biełtelekam», padaražejuć pasłuhi telehrafnaj suviazi, mižnarodnych telefonnych złučeńniaŭ, pakiety pasłuh i daviedačna-infarmacyjnyja pasłuhi. Źmieny ŭ koštach zakranuć taksama niekatoryja taryfnyja płany telebačańnia ZALA i pasłuhi dostupu ŭ internet.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary