KDB Biełarusi vyjaviŭ i spyniŭ karupcyjnuju dziejnaść hienieralnaha dyrektara AAT «Homieltransnafta Družba» Siarhieja Sasnoŭskaha. Jon zatrymany z dokazami złačynstva pry atrymańni chabaru ŭ asabliva bujnym pamiery ($5 tys.). Infarmacyja ab hetym raźmieščanaja na sajcie Kamiteta dziaržbiaśpieki.
U jakaści chabaradavalnika vystupaŭ Uładzimir Cimašpolski — były namieśnik staršyni Prezidyuma NAN Biełarusi, jaki taksama zatrymany.
Ustanoŭlena, što ŭ 2015 hodzie Uładzimir Cimašpolski dasiahnuŭ damoŭlenaści ab akazańni Siarhiejem Sasnoŭskim za niezakonnaje hrašovaje ŭznaharodžańnie sadziejničańnia adnoj z ukrainskich kampanij u atrymańni zamovy na praviadzieńnie ramontnych rabot na naftapravodzie «Mazyr-Brest» koštam Br8 młrd (niedenaminavanych). Pry hetym jakaść pasłuh nie adpaviadała patrabavańniam biełaruskaha zakanadaŭstva.
U metach maskiroŭki złačynnaj dziejnaści, «abychodu» patrabavańniaŭ biełaruskaha zakanadaŭstva ŭ śfiery vytvorčaści budaŭničych rabot, a taksama atrymańnia najaŭnych złačynnych dachodaŭ fihuranty raspracavali złačynnuju schiemu z uciahvańniem u jaje padkantrolnych kamiercyjnych struktur i indyvidualnych pradprymalnikaŭ.
Fihurantaŭ spravy adroźnivała dakładnaje raźmierkavańnie abaviazkaŭ. Zajmajučy vysokaje słužbovaje stanovišča, Siarhiej Sasnoŭski supravadžaŭ realizacyju «damoŭnaha» kantraktu i zabiaśpiečvaŭ pieraličeńnie ŭ adras kamiercyjnych struktur avansavych płaciažoŭ. Uładzimir Cimašpolski u svaju čarhu zabiaśpiečvaŭ atrymańnie najaŭnych i raźmierkavańnie hrašovych srodkaŭ pamiž udzielnikami złačynnaj schiemy.
U dačynieńni da Siarhieja Sasnoŭskaha raspačataja kryminalnaja sprava pa č. 3 art. 430 KK (atrymańnie chabaru), u dačynieńni da Uładzimira Cimašpolskaha — pa č. 2 art. 431 KK (dača chabaru). Da zatrymanych prymienienaja miera strymańnia ŭ vyhladzie zaklučeńnia pad vartu.
Pravodziacca nieabchodnyja apieratyŭna-vyšukovyja i śledčyja dziejańni, nakiravanyja na vyjaŭleńnie i dakumientavańnie inšych epizodaŭ supraćpraŭnaj dziejnaści padazravanych.
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku23
Kamientary