«Padobnyja da Ziamli» ekzapłaniety sistemy TRAPPIST-1 pryznali nieprydatnymi dla žyćcia
Astranomy z Absiervatoryi Kankoja pryjšli da vysnovy, što sistema TRAPPIST-1 moža akazacca nieprydatnaj dla žyćcia. Jany tłumačać heta tym, što na zorcy, vakoł jakoj krucicca siem ekzapłaniet, adbyvajucca mahutnyja vykidy płazmy. Pra heta paviedamlaje UNIAN sa spasyłkaj na vydańnie Science Alert.
Daśledčyki praanalizavali danyja ab śviacilnaści zorki, atrymanyja kaśmičnym teleskopam «Kiepler». Za 80-dzionny pieryjad jany zafiksavali 42 uspyški vysokaenierhietyčnaha vypramieńvańnia. Piać ź ich mieli adrazu niekalki pikaŭ intensiŭnaści. Siaredni čas pamiž hetymi vybliskami składaŭ usiaho 28 hadzin.
Na dumku navukoŭcaŭ, miascovyja hieamahnitnyja bury ŭ sotni ci tysiačy razoŭ macniejšyja za tyja, što adbyvalisia na Ziamli, uklučajučy Soniečny supierštorm 1859 hoda. Padčas hetaj padziei pa ŭsim śviecie naziralisia jarkija palarnyja źziańni. Akramia taho, adbyłasia admova telehrafnych sistem u Jeŭropie i Paŭnočnaj Amierycy.
Pavodle danych śpiecyjalistaŭ, kab atmaśfiera stabilizavałasia paśla sutyknieńnia z vykidam płazmy ad TRAPPIST-1, pavinna prajści kala 30 tysiač hadoŭ. Akramia taho, siła mahnitnaha pola ekzapłaniet dla sistemy pavinna dasiahać dziasiatkaŭ i sotniaŭ Haŭs, choć u Ziamli hetaja vieličynia składaje 0,5 Haŭsa.
U 2016 hodzie astranomy abviaścili, što im udałosia vyjavić sistemu TRAPPIST-1, u jakoj znachodziacca try ekzapłaniety. Jany kruciacca vakoł čyrvonaha karlika, addalenaha ad Ziamli na adlehłaść u 39 śvietłavych hadoŭ. Niabiesnyja cieły addalenyja adno ad adnaho na adlehłaść, jakaja ŭ dziesiać razoŭ mienšaja za dystancyju Marsa ad Ziamli.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary