Były premjer-ministr Rasii Siarhiej Ściapašyn raspavioŭ, što ŭ 1998 hodzie pieršy prezident Rasii Barys Jelcyn daručyŭ jamu źnieści maŭzalej Uładzimira Lenina, piša VVS.
Pra rašeńnie eks-kiraŭnika dziaržavy jon paviedamiŭ u intervju časopisu «Historyk». Jaho tekst apublikavany na sajcie Impieratarskaha pravasłaŭnaha paleścinskaha tavarystva, jakoje ciapier uznačalvaje Ściapašyn.
«Prylataju, idu da jaho, i ŭžo ŭ kabiniecie Jelcyn kaža: «Siarhiej Uładzimiravič, ja pryniaŭ rašeńnie — znosim maŭzalej Lenina», — raspavioŭ Ściapašyn.
Ściapašyn śćviardžaje, što pahadziŭsia vykanać zahad Jelcyna, ale vykazaŭ svaje sumnievy. «Nie harantuju, što paśla hetaha akta ja zastanusia ministram, a vy — prezidentam», — pryvodzić svaje słovy były premjer.
«Pa-chryścijansku, viadoma, trup Lenina nielha pakazvać. Heta hrech. Ale ciapier nie čas maŭzalej prybirać, nie treba. Što, jon vam pieraškadžaje, ci što?» — zajaviŭ tady Ściapašyn. Pa jaho słovach, Jelcyn paburčaŭ, ale arhumienty pačuŭ.
Pavodle danych apošniaha apytańnia «Levada-centra», ideju pachavańnia cieła Uładzimira Lenina padtrymlivaje bolš za pałovu rasijan.
Kala traciny miarkujuć, što jaho nieabchodna pakinuć u maŭzalei.
Tydzień tamu deputaty ad frakcyi ŁDPR i «Adzinaj Rasii» unieśli ŭ nižniuju pałatu parłamienta zakonaprajekt z prapanovaj ab pachavańni Lenina.
Zakonaprajekt vyklikaŭ krytyku śpikiera Dziarždumy Viačasłava Vałodzina, paśla čaho adzinarosy svaje podpisy adklikali.
-
Śvirski zvon akazaŭsia žyrovickim «Kanstanciusam». Historyk vyśvietliŭ pachodžańnie pomnika biełaruskaha lićcia z katalickim hierbam i kiryličnaj malitvaj
-
«Kava z historykam» zaprašaje na kruhły stoł pra sud i prava ŭ Vialikim Kniastvie Litoŭskim
-
Reštki staradaŭniaha budynka i artefakty XVII stahodździa znajšli ŭ centry Pinska kamunalniki
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?26
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary