Eks-hałoŭny trenier chakiejnaj zbornaj Biełarusi zmahajecca z ankałohijaj
Viadomy biełaruski chakieist i były hałoŭny trenier zbornaj Biełarusi, a ciapier staršynia praŭleńnia hrodzienskaha «Niomana» Anatol Varyvončyk u intervju karespandentu «Priessboła» raspavioŭ ab baraćbie z ankałahičnym zachvorvańniem.
— Viedaju, što vy heta nie afišujecie, ale dazvolcie spytać: choć adzin spartyŭny pośpiech zdolny pieraplunuć pieramohu nad ankałohijaj?
— A ja jašče ničoha nie pieramoh. Pa-raniejšamu zmahajusia. 30 sakavika było piać hadoŭ, jak zrabili apieracyju. Kožny miesiac pryjazdžaju ŭ ankałahičny centr, jaki naziraje, zdaju analiz kryvi. Prachodžu pracedury, rablu ŭkoły. Tak što baraćba praciahvajecca…
Viedaješ, niekatoryja ŭsprymajuć padobnyja vyprabavańni ŭ duchu «aj-jaj-jaj!». Čaho tolki ŭ hałavu nie nabirajuć. Ale tut hałoŭnaje - nie raskisać. Kali b raskis, užo daŭnym-daŭno ŭsio skončyłasia b sumnym vynikam. Kali mnie heta abviaścili, uspryniaŭ stojka. Adzinaje - kinuŭ kuryć, čaho nijak nie moh zrabić šmat-šmat hadoŭ. Pamiataju, daviedaŭšysia, što patrebna apieracyja, patelefanavaŭ doktaru. Spytaŭ: «Jak lepš — moža, pastupova admaŭlacca? Pa dźvie cyharetki u dzień, pa adnoj …» Jon adkazaŭ: «Chočaš kuryć — kury. A chočaš žyć — kidaj». Ja tut ža vykuryŭ apošniuju - i ŭsio. Kazali, budzie łomka, arhanizm tak chutka nie admovicca … Ale žyćcio prymusiła, i bolš nie chaciełasia», - raspavioŭ Anatol Varyvončyk.
***
Anatol Varyvončyk byŭ hałoŭnym trenieram zbornaj Biełarusi z 1997-ha pa 2001 hod. Pryvioŭ nacyjanalnuju kamandu da 8-ha miesca na ČS-1998 i vyvieŭ u čverćfinał Alimpijady-1998 u Nahana. Rekardsmien pa kolkaści matčaŭ u rula zbornaj Biełarusi
U jakaści hałoŭnaha treniera trojčy pryvodziŭ haradzienski «Nioman» da zołata čempijanataŭ Biełarusi (1998, 1999, 2001) i adnojčy - da zołata čempijanatu Uschodniejeŭrapiejskaj chakiejnaj lihi (1996).
U čempijanacie SSSR vystupaŭ za minskija «Tarpieda» (1973-1974) i «Dynama» (1976-1986). Adzin ź lepšych snajpieraŭ minskaha «Dynama» ŭ čempijanatach SSSR.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary