Kapitan BATE Vital Radzivonaŭ: Starajusia z dačkoj razmaŭlać pa-biełarusku
27 krasavika hościem kursaŭ «Mova Nanova» staŭ kapitan futbolnaha kłuba BATE, a taksama napadajučy nacyjanalnaj zbornaj Biełarusi Vital Radzivonaŭ.
«5-7 hadoŭ tamu ja sustreŭ čałavieka, jaki paznajomiŭ mianie ź biełaruskaj historyjaj i movaj. Tak atrymałasia, što ja budavaŭ lecišča, i ŭ maim asiarodździ źjaviŭsia taki čałaviek. Ciapier ja liču, što viedać svaju historyju i movu vielmi važna», - skazaŭ Vital Radzivonaŭ.
Futbalist taksama pryznaŭsia, što sa svajoj dačkoj starajecca razmaŭlać pa-biełarusku. A niadaŭna jana stała chadzić u biełaruskamoŭnuju himnaziju.
«Ja ŭ hetym nie baču ničoha niezvyčajnaha. Naadvarot, ja baču prablemu ŭ tym, što ŭ krainie tak mała biełaruskamoŭnych navučalnych ustanovaŭ», - skazaŭ Vital Radzivonaŭ.
Vital Radzivonaŭ źjaŭlajecca 11-razovym čempijonam Biełarusi pa futbole, 3-razovym uładalnikam Kubka krainy i 7-razovym uładalnikam Supierkubka. U minułym siezonie razam ź inšym futbalistam BATE, Michaiłam Hardziejčukom, staŭ najlepšym bambardziram čempijanatu krainy, zabiŭšy 15 hałoŭ.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary