Apazicyjny palityk Mikoła Statkievič znoŭ źnik napiaredadni zapłanavanaj im na 1 maja akcyi. Jaho telefon adklučany z 17 hadzin piatnicy, na suviaź z rodnymi jon nie vychodziŭ. Pra heta ranicaj 29 krasavika TUT.BY paviedamiła žonka apazicyjaniera Maryna Adamovič.
«Ja patelefanavała ŭ Centr izalacyi pravaparušalnikaŭ na Akreścina, abtelefanavała ŭsie RUUS, źviarnułasia ŭ Biuro rehistracyi niaščasnych vypadkaŭ. Zaraz pajedu pa sudach, u SIZA na Vaładarskaha i KDB», — raspaviała Maryna Adamovič.
Jana nie vyklučaje, što źniknieńnie palityka prajšło pa takim ža scenaryi, jak i napiaredadni Dnia Voli - nahadajem, Mikałaj Statkievič źnik napiaredadni akcyi apazicyi 25 sakavika. U milicyi i KDB zajavili, što im ničoha nie viadoma pra los palityka. Ranicaj 27 sakavika apazicyjanier raspavioŭ, što jaho niekalki dzion trymali ŭ SIZA KDB.
U toj ža samy čas Maryna Adamovič aścierahajecca, što sa Statkievičam mahło zdarycca niešta drennaje.
Mikoła Statkievič płanavaŭ pravieści niaŭzhodnienuju z uładami akcyju 1 maja ŭ centry Minska.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary