Na murale «Maskva-Minsk» źjaviŭsia nadpis «Ja tvaju Maskvu chistaŭ i Kreml tros!». Imia aŭtara čarhovaha ŭdakładnieńnia ŭ vyjavu nieviadomaje.
Nahadajem, u červieni 2016 hoda ŭ centry Minska źjaviŭsia murał, jaki simvalizuje siabroŭstva stalic Biełarusi i Rasii. Aŭtarami vystupili rasijskija mastaki, a inicyjataram — urad Maskvy. Chłopčyk-Minsk i dziaŭčynka-Maskva byli zaklikany simvalizavać siabroŭstva pamiž narodami, krainami i haradami.
Ale ŭ kastryčniku taho ž hoda nieviadomy mastak damalavaŭ na hrafici novy elemient — kalučy drot u vianku dziaŭčynki i bukiecie chłopčyka.
«Mnie stała soramna za padarunak svaich maskoŭskich kalehaŭ, i ja vyrašyŭ nadać hetamu choć niejki sens. Kalučy drot — dobry, šmatsłajovy simvał i całkam darečny, kali havorka idzie pra adnosiny Rasii ź inšymi krainami», — tak prakamientavaŭ svaju pracu aŭtar.
Praz paŭtara miesiacy malunku viarnuli raniejšy vyhlad, a aŭtara paabiacali znajści i pakarać. U vyniku štraf atrymaŭ Aleh Łaryčaŭ, nieŭzabavie jon byŭ žorstka źbity nieviadomymi, a ciapier adpraŭleny na sutki.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary