Favaryt prezidenckaj honki ŭ Francyi Emanuel Makron zajaviŭ Bi-bi-si, što Jeŭrasajuz pavinien być refarmavany, inakš jaho čakaje «freksit».
Centryst Makron, jaki vystupaje za adzinuju Jeŭropu, pačaŭ apošni tydzień svajoj pieradvybarnaj kampanii. U druhim tury hałasavańnia, jakoje projdzie ŭ niadzielu, jamu supraćstaić lidar krajnie pravych Maryn Lo Pien.
Lo Pien nabyła šmat paplečnikaŭ, vystupajučy suprać Jeŭrasajuza. Jana paabiacała ŭ vypadku svajoj pieramohi pravieści refierendum ab vychadzie Francyi ź ES, što pa anałohii z brytanskim «breksitam» užo atrymała mianušku «freksit».
Jaje padtrymlivajuć vybarščyki ŭ sielskich rehijonach, a taksama ŭ byłych industryjalnych centrach, jakich pryciahvajuć jaje abiacańni viarnuć kantrol nad miežami krainy i radykalna skaracić maštaby imihracyi.
«Ja - prajeŭrapiejski palityk, padčas hetych vybaraŭ ja ŭvieś čas abaraniaŭ jeŭrapiejskuju ideju i jeŭrapiejskuju palityku, bo ja miarkuju, što heta nadzvyčaj važna dla francuzaŭ i dla taho, jakoje miesca naša kraina zajmaje ŭ pracesie hłabalizacyi», - skazaŭ Makron u intervju Bi-bi-si.
«Ale ŭ toj ža čas my pavinny ŭličvać situacyju, słuchać ludziej, toje, što jany nadzvyčaj złavalisia siońnia i nie žadajuć čakać. Dalejšaja razbałansavanaść ŭ pracy ES niedapuščalnaja», - padkreśliŭ jon. - Tamu ja liču, što moj mandat raspaŭsiudžvajecca i na hłybokaje refarmavańnie Jeŭrasajuza, našaha jeŭrapiejskaha prajekta».
Makron dadaŭ, što kali b jon dazvoliŭ Jeŭrasajuzu funkcyjanavać, jak ciapier, i dalej, heta było b zdradaj.
«I ja nie chaču hetaha, - skazaŭ jon. - Tamu što na nastupny dzień u nas budzie «freksit», abo znoŭ — «Nacyjanalny front».
Kamientary