Sotni daktaroŭ u adnoj z bujnych balnic Indyi ŭ mai pačnuć naviedvać zaniatki pa samaabaronie. Jany pavinny navučycca abaraniać siabie ad chvorych i ich svajakoŭ, paviedamlaje VVS.
Štodzionnyja kursy ŭ Indyjskim instytucie miedycynskich navuk u Deli pavinny navučyć piersanał abaraniać siabie ad pacyjentaŭ i ich svajakoŭ. Navučać daktaroŭ buduć prafiesijnyja spartsmieny, jakija zajmajucca bajavymi mastactvami.
Apošnija daśledavańni pakazvajuć, što letaś fizičnamu napadu abo abrazam padvierhnułasia 40% daktaroŭ, piša Hindustan Times.
U sakaviku na fonie paviedamleńniaŭ ab troch vypadkach prymianieńnia hvałtu suprać miedykaŭ bolš za try tysiačy supracoŭnikaŭ adździaleńniaŭ chutkaj dapamohi i paliklinik ŭ štacie Macharaštra zładzili zabastoŭku ŭ znak salidarnaści z paciarpiełymi kalehami.
Na praciahu piaci dzion miedyki-pratestoŭcy pracavali ŭ kaskach, a zatym paprasili kiraŭnictva arhanizavać kursy samaabarony.
Z 15 maja lekary pačnuć štodzionnyja treniroŭki tchekvando. Asnoŭny kurs budzie doŭžycca šeść miesiacaŭ. Žadajučyja dasiahnuć bolš vysokich vynikaŭ mohuć prajści pahłyblenuju prahramu, raźličanuju na dva z pałovaj hady.
Kamientary