Biełaruski dom u Varšavie adkazvaje Chartyi: U vas ža jość svajo pamiaškańnie

Biełaruski Dom infarmuje, što ad samaha pačatku zasnavańnia Biełaruskaha Domu (Fundacja «Białoruski Dom») u 2011 hodzie, BD i Fond Chartyja97 (Fundacja «KARTA 97») majuć 2 asobnyja ofisy. Ofis BD znachodzicca pa adrasie vuł. Viejska 13/3 (ul. Wiejska 13/3), a ofis i redakcyja Fondu Chartyja97 (Fundacja «KARTA 97») pa adrasie uł. Maršałkoŭskaja 55/73, (ul. Marszałkowska 55/73, 00-676 Warszawa).

Fond Chartyja97 (Fundacja «KARTA 97»), rehistracyjny numar KRS 0000400445, maje vialikaje i prastornaje pamiaškańnie ŭ Varšavie na vulicy Maršałkoŭskaj, jakoje ŭ 2012 hodzie dapamoh znajści dla redakcyi sajtu Chartyja97 mienavita Biełaruski Dom. Redakcyja partału Chartyja97 zaŭždy znachodziłasia i pracavała mienavita ŭ hetym pamiaškańni na Maršałkoŭskaj. Biełaruski Dom prosić kiraŭnictva Fondu Chartyja97 vyzvalić adzin pakoj pamieram 19.79 m. kv., jaki byŭ na praciahu 5 hadoŭ biaspłatna pradstaŭleny dla pracy niekalkich supracoŭnikaŭ fondu Chartyja97 u Biełaruskim Domie ŭ Varšavie na Viejskaj 13/3.

Rašeńnie Praŭleńnia Biełaruskaha Doma pryniata ŭ suviazi z pašyreńniem statutnaj dziejnaści arhanizacyi, i my bolš nie možam pradstaŭlać častku pamiaškańnia BD na patreby fondu Chartyja97.

Kiraŭnictva Biełaruskaha Doma nie supracoŭničaje ź biełaruskim KDB i inšymi śpiecsłužbami inšych dziaržavaŭ śvietu.

Nahadajem, što Fond Biełaruski Dom — heta aficyjnaja hramadskaja arhanizacyja, zarehistravanaja 30.04.2012 hoda ŭ Polščy, jakaja dziejničaje na padstavie polskaha zakanadaŭstva «Ab Fundacyjach» i ŭłasnaha statutu. Meta Biełaruskaha Doma ŭ Varšavie — demakratyčnaje, adkrytaje, transparentnaje raźvićcio biełaruskaha hramadstva, hramadzianskaj supolnaści ŭ Biełarusi i biełaruskaj dyjaspary va ŭsim śviecie, a taksama dziejnaść na karyść raźvićcia šmatbakovych biełaruska-polskich i biełaruska-jeŭrapiejskich stasunkaŭ.

My ličym biezvynikovym luby źniešni cisk na ŭnutranyja rašeńni Biełaruskaha Doma i pierakananyja, što ŭmiašańni ŭ spravy niezaležnaj niaŭradavaj arhanizacyi Biełaruski Dom źjaŭlajucca nieprymalnymi.

Biełaruski Dom zastajecca adkryty dla supracoŭnictva z ŭsimi demakratyčnymi biełaruskimi hramadskimi arhanizacyjami i pradstaŭnikami hramadzianskaj supolnaści, u tym liku z Fondam Chartyja97 i partałam Charter97.

Ad imia Praŭleńnia Biełaruskaha Doma ŭ Varšavie,

Aleś Zarembiuk i Uładzimir Kobiec.

• 0
• 0
• 0
• 0
• 0
• 0
• 0
• 0