Saviet Ministraŭ Biełarusi pryniaŭ pastanovu ab akazańni humanitarnaj dapamohi Ŭkrainie.
Šerahu dziaržaŭnych pradpryjemstvaŭ, Ministerstvu nadzvyčajnych sytuacyjaŭ i Dziaržaŭnamu kamitetu majomaści daručana sabrać tavaraŭ na 117 866 rubloŭ 40 kapiejek (kala 62,5 tysiačy dalaraŭ), taksama MNS daručana zładzić dastaŭku biełaruskaj dapamohi aŭtatranspartam va Ŭkrainu i zabiaśpiečyć jaje pieradaču Čyrvonamu kryžu.
U śpisie tavaraŭ dla humanitarnaj dapamohi — miasnyja kanservy, hrečka, muka, makarona, alej, cukar, droždžy, myła i šampuni, pralny parašok i tualetnaja papiera.
Hrošy na dapamohu pojduć sa srodkaŭ, praduhledžanych u biudžecie na fond na avaryi, katastrofy i nadzvyčajnyja zdareńni — usiaho ŭ fondzie na 2017 hod 15 młn biełaruskich rubloŭ.
Alaksandar Łukašenka ŭ čas sustrečy z prezydentam Ukrainy Piatrom Parašenkam zajaŭlaŭ, što humanitarnuju dapamohu nakirujuć nasielnictvu «pa abodva baki linii raźmiežavańnia».
Raniej za biełaruskija ŭłady dapamohu Ŭkrainie sabrali biełaruskija valantery: na sabranyja imi srodki byli nabytyja aŭtamabili medycynskaj dapamohi, jakija dapamahajuć ukrainskim medykam u zonie kanfliktu.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary