Z-za sutyknieńnia amierykanskaha eśminca «Ficdžerald» ź filipinskim kantejnieravozam kala bierahoŭ Japonii źnikli siem vajskoŭcaŭ VMS ZŠA.
Troje amierykanskich vajskoŭcaŭ, u tym liku kapitan - paranienyja, havorycca ŭ zajavie vajenna-marskich sił.
Sutyknieńnie adbyłosia u 2:30 nočy pa miascovym časie za 100 kiłamietraŭ na paŭdniovy ŭschod ad japonskaha horada Jokasuka, paviedamiła pres-słužba VMS ZŠA. Paźniej stała viadoma, što eśminiec sutyknuŭsia ź vialikim kantejnieravozam ACX Crystal, jaki išoŭ pad ściaham Filipinaŭ.
Viadoma prynamsi pra troch čałaviek, jakija paciarpieli. Siarod ich i kapitan karabla. Ich evakuiravali viertalotam i špitalizavali.
Japonskaja bierahavaja achova zajaviła, što z-za incydentu źnikli siem členaŭ ekipaža eśminca. VMS ZŠA paćvierdzili hetuju infarmacyju. Pra ich los pakul ničoha nieviadoma.
U zajavie VMS ZŠA taksama paviedamili, što amierykanskija vajennyja maraki vyklikali na dapamohu miascovuju bierahavuju achovu. Ciapier kazać ab pamiery škody, naniesienaj eśmincu - niemahčyma. A telekanał NHK pakazaŭ kadry, na jakich bačna ŭvahnutaść na korpusie eśminca na pravym borcie.
Adnaho paranienaha maraka evakuiravali viertalotam bierahavoj achovy, paviedamiła paźniej kamandavańnie VMS ZŠA.
Eśminiec bazujecca na vajenna-marskoj bazie ZŠA ŭ porcie Jokasuka. Jon uzbrojeny kryłatymi rakietami «Tamahaŭk».
Rajon, u jakim adbyŭsia incydent, zahružany sudami, a eśminiec «Ficdžerald» - adzin z samych pieradavych vajennych karabloŭ u śviecie sa składanaj sistemaj radaraŭ, adznačaje karespandent BBC u Tokia.
Na jaho dumku, ciapier budzie šmat pytańniaŭ, čamu ekipaž nie zmoh paźbiehnuć sutyknieńnia z kantejnieravozam, jaki razam z hruzam važyŭ prykładna ŭtraja bolš, čym amierykanski eśminiec.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary