Uładzimiru Słonimu niama i 18 hadoŭ, ale jon paśpieŭ prasłavicca tym, što sahnaŭ mašynu, a padčas śledčaha ekśpierymientu ŭ Smalavickim rajonie niejkim čynam zdoleŭ źbiehčy z-pad varty, razarvaŭšy kajdanki. Ciapier uciekača aktyŭna šukaje milicyja.
«Honščyku» nie było i 18 hadoŭ
Nam udałosia datelefanavacca da stryječnaha brata Uładzimira. Jon raskazaŭ «NN», što chłopiec tolki skončyŭ škołu i źbiraŭsia pajści pracavać u kałhas, adnak tam jaho paprasili dačakacca paŭnalećcia: 18 hadoŭ chłopcu pavinna spoŭnicca ŭ vieraśni.
Starasta vioski, adkul pachodzić siamja Słonimaŭ, dadaŭ, što stanoŭčaj jaje nie nazavieš.
Sahnaŭ mašynu, bo «lubiŭ techniku»
Pa słovach brata, chłopiec vyrašyŭsia na złačynstva, bo «vielmi lubiŭ techniku». Sapraŭdy, šmat lubimych hrup na jaho asabistaj staroncy va Ukantakcie pryśviečany jak raz aŭtamabilam. Naroŭni ź imi chłopca cikaviła i kryminalnaja tematyka: supołku «Criminal GIF | Kryminał» z padborkami videa, dzie rabujuć banki i raskazvajuć pra ŭmovy ŭtrymańnia ŭ izalatarach, jon naviedvaŭ čaściej astatnich.
Kachanaja nie pieražyła vyprabavańnie
Daviedaŭšysia, što Uładzimir uciok z-pad varty, jaho vyrašyła kinuć dziaŭčyna. Płakała, ale pryniała valavoje rašeńnie. Ciapier užo eks-hiorłfrend ad kamientaryjaŭ admoviłasia.
Jak u chłopca atrymałasia vyrvacca ad śledčych?
Nam taksama cikava. Zaraz pa hetym vypadku pravodziać pravierku, i na dadzieny momant ad niejkich kamientaryjaŭ pres-słužba UUS Minskaha abłvykankama ŭstrymlivajecca
Šukajuć rodnyja, šukaje milicyja…
Na suviaź sa svajakami Uładzimir nie vychodziŭ daŭno. Da hetaha času pra jaho miescaznachodžańnie nieviadoma i milicyi.
Prykmiety ŭciekača: na vyhlad 18-20 hadoŭ, chudy, rost 160-170 santymietraŭ, vałasy ciomnyja, koratka stryžany. Byŭ apranuty ŭ čornuju karotkuju kurtku, čornuju majku, takoha ž koleru štany i krasoŭki. Na rukach mohuć być častki naručnikaŭ abo ślady ad ich znachodžańnia.
Lubuju viadomuju infarmacyju pra Uładzimira Słonima prosiać nakiroŭvać u apieratyŭna-dziažurnuju słužbu UUS pa telefonach: (017) 229-05-90, (017) 229-08-13, albo «102».
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary