Mask: va ŭradzie ŭchvalili prajekt Hyperloop pamiž Ńju-Jorkam i Vašynhtonam. Ciahnik budzie jechać mienš za paŭhadziny
Aŭtar kancepcyi chutkasnaj transpartnaj sistemy Hyperloop, zasnavalnik Tesla i SpaceX Iłan Mask paviedamiŭ, što va ŭradzie ZŠA dali «vusnuju zhodu» na budaŭnictva sistemy pa maršrucie Ńju-Jork — Fiładelfija — Bałtymor — Vašynhton.
Pa słovach Maska, ciahniki buduć pieraadolvać heta adlehłaść (bolš za 360 kiłamietraŭ) pa padziemnych tunelach za 29 chvilin. Chutkasny ciahnik kampanii Amtrack pieraadolvaje hetuju adlehłaść amal za try hadziny, a samalot — za hadzinu i 15 chvilin, adznačaje The New York Times.
Prajektam budzie zajmacca jaho kampanija The Boring Company, jakaja zajmajecca budaŭnictvam tunelaŭ dla vyrašeńnia prablemy zatoraŭ.
Ci budzie heta, zhodna z prajektam, pasažyrskaja abo hruzavaja sistema, nie ŭdakładniajecca. Nijakich padrabiaznaściej prajekta, u tym liku jaho mahčymych terminaŭ i koštu, pradprymalnik nie pryvioŭ.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary