Na vostravie Łodačny niedaloka ad horada Vybarh była pabudavanaja novaja dača dla prezidenta Rasii Uładzimira Pucina na ŭčastku ŭ amal 50 ha. Pra heta havorycca ŭ rasśledavańni rasijskaha apazicyjaniera Alaksieja Navalnaha.
Sam dom — histaryčny budynak viła Siełhrena, pabudavany ŭ pačatku 20 stahodździa.
«Pryhožy trochpaviarchovy dom z terasami, letnija sady, svoj pryčał. Kali hetaja viła była ŭ dobrym stanie, jaje vykarystoŭvali dla zdymak filmaŭ», — raspaviadaje Navalny.
Viłu dla Pucina, jak śćviardžaje «Dožd́» u svaim rasśledavańni, pačali kanstrujavać niedzie ŭ 2011-2013 hadach.
«Da budoŭli mieŭ dačynieńnie Illa Trabier. Heta kryminalny aŭtarytet ź Pieciarburha 90-ch, ciesna źviazany z Uładzimiram Pucinym, tahačasnym daradcam mera horada», — adznačaje Navalny.
Jak śćviardžaje rasijski apazicyjanier, učastak ziamli, dzie znachodzicca viła, aranduje Siarhiej Rudnoŭ, syn niadaŭna pamierłaha Aleha Rudnova, jakoha nazyvajuć daŭnim siabram Pucina.
«Pa-druhoje, ziamla pad viłaj i inšymi damami z 2005 hoda znachodzicca ŭ arendzie inšaha čałavieka — Siarhieja Kaleśnikava», — kaža jon.
Mienavita Kaleśnikaŭ raspavioŭ pra pałac Pucina ŭ Hielendžyku za 1 młrd dalaraŭ, jaki jon budavaŭ razam ź inšym paplečnikam Pucina Mikałajem Šamałavym.
Navalny taksama adznačyŭ, što viła Pucina na vostravie Łodačny ŭzmocniena achoŭvajecca.
«Da damoŭ nie padpuskajuć nikoha. A na ŭjeździe navat adbirajuć mabilnyja telefony, kab nie fatahrafavali. Nu, što tak achoŭvajuć? Śpiecabjekty. I vielmi važnyja śpiecabjekty. Navat da damoŭ i pałacaŭ Miadźviedzieva možna padyści ŭščylnuju», — padkreślivaje jon.
Navalny taksama raspaviadaje, što za 5 km da ŭjezdu na terytoryju pabudoŭ jość tablička «Baza adpačynku «Sibur».
«Ni ŭ jakich publičnych dakumientach kampanii «Sibur» my hetuju bazu adpačynku nie znajšli», — śćviardžaje jon.
Siarod uładalnikaŭ kampanii jość najlepšy siabar Pucina Hienadź Cimčanka i jaho ziać Kirył Šamałaŭ.
«Sukupnaść dokazaŭ vidavočna pakazvaje nam na standartnuju karupcyjnuju schiemu Uładzimira Pucina. Jaho asabistyja aktyvy zapisvajucca na jaho najbližejšych siabroŭ. I hetyja siabry kazačna ŭzbahacilisia za apošnija 17 hadoŭ. I pakul im nie pahražajuć nijakija antykarupcyjnyja rasśledavańni», — ličyć rasijski apazicyjanier.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary