Fejsbuk źmianiŭ praviły rekłamy paśla rasijskaj palityčnaj kampanii
U liście, razasłanym reklamadaŭcam na hetym tydni, kiraŭnictva Facebook papiaredziła, što ciapier reklamnyja abviestki, aryjentavanyja na ludziej, jakija abmiarkoŭvajuć «palityčnyja, relihijnyja, etničnyja i sacyjalnyja pytańni» buduć razhladacca supracoŭnikami adnaho z ofisaŭ. Tolki paśla hetaha abviestki mohuć źjavicca ŭ sietcy.
Raniej rašeńni ab publikacyi takich abjaŭ aŭtamatyčna prymaŭ kamputarny alharytm. U kampanii papiaredzili, što novaja pracedura moža zapavolić terminy raźmiaščeńnia reklamy.
«Hetaje novaŭviadzieńnie praduhledžvaje, što bolšaja kolkaść abviestak budzie prachodzić praceduru razhladu z dapamohaj našych supracoŭnikaŭ, — havorycca ŭ liście, nakiravanym reklamadaŭcam. — Novyja reklamnyja kampanii, što źmiaščajuć metavuju reklamu, jakaja, na našuju dumku, zapatrabuje dadatkovaha razhladu (źviazanyja z takimi pytańniami, jak palityka, relihija, etničnyja i sacyjalnyja prablemy), buduć asobna razhladacca supracoŭnikami».
Na hetym tydni stała viadoma, što kiraŭnictva Facebook pahadziłasia dać pakazańni ŭ kamitecie pa vyviedcy Kanhresu ZŠA, jaki pravodzić ułasnaje raśśledavańnie ab rasiejskim ŭmiašalnictvie ŭ vybarčuju kampaniju 2016 hoda. U minułuju piatnicu aficyjnaj list z zaprašeńniem vystupić na adkrytych słuchańniach u vierchniaj pałacie nakiravaŭ menedžeram sacyjalnaj sietki kamitet pa vyviedcy Senatu ZŠA.
U vieraśni Facebook pieradaŭ u Kanhres źviestki ab reklamnych abviestkach, supołkach i staronkach, zarehistravanych z udziełam Rasiei padčas prezydenckaj kampanii. Adnačasova ŭ Pałatu pradstaŭnikoŭ była nakiravana infarmacyja i ab kupli rasiejskimi kampanijami reklamnych abjaŭ u sacyjalnaj sietcy.
Z červienia 2015 hodu pa travień 2017 hodu z 470 akaŭntaŭ było apublikavana kala 3000 reklamnych pastoŭ na ahulnuju sumu 100 000 dalaraŭ.
Facebook vydaliŭ bolšaść hrupaŭ, źviazanych z prakramloŭskaj «Fabrykaj trolaŭ». Kala 10 miljonaŭ čałaviek ubačyli reklamu, raźmieščanuju rasiejskimi arhanizacyjami.
Kamientary