Kiraŭnik katałonskaj aŭtanomii Karles Pučdemon maje namier u bližejšy čas abviaścić niezaležnaść Katałonii, kali ispanski ŭrad nie prymie prapanovy ab pasiarednictvie, paviedamlajeDW.
«My adkryli dźviery, my skazali «tak» usim pradstaŭlenym nam mahčymaściam ab pasiarednictvie», — zajaviŭ Pučdemon u niadzielu ŭ intervju miascovamu telebačańniu. «Dni iduć, i kali ispanskaja dziaržava nie budzie reahavać u pazityŭnym klučy, my zrobim toje, dziela čaho ŭsio i adbyvałasia», — dadaŭ katałonski palityk.
Katałonski parłamient užo ŭ aŭtorak, 10 kastryčnika, moža abviaścić ab niezaležnaści ad Ispanii. Raniej Kanstytucyjny sud u Madrydzie zabaraniŭ pravodzić pasiadžeńnie rehijanalnaha parłamienta, na jakim płanavałasia abmiarkoŭvać vyniki refierendumu. Pučdemon, tym nie mienš, płanuje vystupić z pramovaj, pry hetym pieranieści jaje na aŭtorak.
Premjer-ministr Ispanii Marjana Rachoj u pytańniach imknieńnia Katałonii da niezaležnaści na sastupki nie idzie. U niadzielu jon paŭtaryŭ svaje vykazvańni, što admaŭlajecca «handlavacca ab adzinstvie krainy», a taksama što Madryd nie budzie vieści pieramovy «pad pahrozami».
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary