Zmahar z ŽESami Anton Matolka syšoŭsia z redaktarkaj kyky.org Naściaj Rahatko
Biełaruski aktyvist i błohier, aktyŭny karystalnik sajta 115.bieł i «siabar usich babul» Anton Matolka na svajoj staroncy ŭ fejsbuku ździejśniŭ svajho rodu «kaminh-aŭt».
Chłopiec apublikavaŭ abjavu z prośbaj dapamahčy znajści zdymnuju kvateru, u jakoj adznačyŭ hałoŭnuju redaktarku partała kyky.org: maŭlaŭ, šukajucca kvadraty dla sumiesnaha pražyvańnia.
Hramadskaść uzradavałasia novaj infarmacyjnaj nahodzie i amal što ažaniła maładych: błohier Dzianis Blišč kryčaŭ «Horka!», a kalehi-fatohrafy adrazu pačali prapanoŭvać svaje pasłuhi na viasielle. Plotki pra toje, kim moža być zaniataje serca Antona, chadzili daŭno, ale jon staranna prytrymlivaŭsia imidžu svabodnaha adzinočki.
Post z pošukami 1- ci 2-pakajoŭki prymusiŭ usich dumać, što jon narešcie vyznačyŭsia. «Jak minimum» na paŭhoda: roŭna na stolki Anton z Naściaj šukajuć sabie ŭtulnaje hniaździečka. Praŭda, sam błohier admoviŭsia davać jakija by to ni było kamientary na hety kont. Ale i nie staŭ asprečvać zdahadki pra svaju spadarožnicu ŭ kamientary «NN».
Budučym arendadaŭcam Anton i Naścia abiacajuć, što ŭ dvary «ŭsie pačnuć parkavacca pa praviłach, dzirki na darohach załatajuć, bardziury pryniziać. U horšym vypadku dvor stanie najlepšym na rajonie pa dobraŭparadkavańni, a susiedzi navučacca karystacca 115.bieł i petitions.by».
Kamientary