Dyrektar RNPC transpłantacyi orhanaŭ i tkanak, člen-karespandent Akademii navuk Aleh Rumo raskazaŭ u intervju karespandentu «Respubliki» pra piać samych admietnych apieracyj pa pierasadcy piečani.
* * *
Šasnaccacihadovaha Ženiu Śmirnova praapieravali ŭ 2009 hodzie. Atruciŭsia blednaj pahankaj. Pryvieźli z Homiela. Znachodzim piečań pamierłaha pacyjenta z hiepatytam S. Pa ŭsich dakumientach transpłantacyju rabić nielha. Baćki molać: «pierasadžvajcie ź jakim zaŭhodna hiepatytam, tolki ratujcie». My ŭ Ministerstva achovy zdaroŭja. Tam kažuć: kali havorka pra vyratavańnie dziciaci — pracujcie! Pacyjenta vyratavali, vylečyli virus. Siońnia jon pracuje trenieram.
* * *
Lijanie Bujnaviec išoŭ druhi hadok. Babula dała joj łyžku hrybnaha supu. U siamji hora: pamierła ad atručvańnia sama babula, pamiraje ŭnučka. U dziaŭčynki vostry niekroz piečani. A donara niama. I tut hinie vaśmimiesiačnaje dzicia. Baćki dajuć dazvoł na zabor orhanaŭ. Usio heta adbyvajecca na praciahu sutak. Siońnia dziaŭčynka ŭžo školnica.
* * *
U 2012 hodzie pa prośbie ŭrada Izraila rabili pierasadku byłomu dyrektaru Masada. Šum stajaŭ na ŭsiu krainu. Apynulisia tady pad prycełam ŚMI ŭsiaho śvietu. Adkaznaść kałasalnaja. Pacyjentu admovili ŭ viadučych centrach mnohich krain. Jon na hrani. Paśla papiaredniaj kansultacyi sa mnoj skazaŭ, što budzie apieryravacca tolki tut. Pavieryŭ u nas. Vykonvajem jamu apieracyju, a potym ledź nie molimsia, kab papraviŭsia. Dziŭna, ale pacyjent zabaraniaŭ ŭvodzić jamu jakija-niebudź snatvornyja paśla apieracyi, razumiejučy, što vałodaje dziaržaŭnymi sakretami. Vielmi emacyjnaja historyja. Taki dośvied časam varty mnohich hadoŭ pracy.
* * *
Pryjechaŭ pacyjent ź Japonii. Jamu ŭžo rabili pierasadku piečani ŭ ZŠA. Donarski orhan prasłužyŭ siem hadoŭ. Potym vyjšaŭ z ładu. Atrymałasia, što my ŭ japonca vydalili amierykanskuju piečań i pryšyli biełaruskuju. Praź dziesiać dzion papraviŭsia i źjechaŭ dadomu. Zajmajecca dajvinham. Ličyć siabie častkova biełarusam.
* * *
Byŭ vielmi składany vypadak, kali apieravali zusim maładuju žančynu sa spałučanaj transpłantacyjaj piečani i nyrki dy jašče poŭnym trambozam varotnaj vieny. Prarabili składanuju sudzinkavuju rekanstrukcyju. Praz dva hady jana naradziła zdarovaje dzicia.
Były ministr kultury Rusłan Čarniecki znajšoŭ sabie padpracoŭku9
Kamientary