Alaksandr Łukašenka padaryŭ mini-traktar «Biełarus-132N» domu siamiejnaha typu ŭ Buda-Kašalovie. Naviedvańnie siamji Novikavych adbyłosia ŭ chodzie rabočaha vizitu kiraŭnika dziaržavy ŭ Homielskuju vobłaść, pieradaje BIEŁTA.
U siamji Alaksieja i Viktoryi Novikavych hadujecca troje bijałahičnych i siamiora pryjomnych dziaciej.
«Traktar ja pastaviŭ vam u dvary. Hubiernatar, staršynia rajvykankama raspaviaduć mnie, kolki ŭzaracie, što pasiejecie. Ziamli vam daduć kolki treba», — skazaŭ Alaksandr Łukašenka.
Dziciačy dom siamiejnaha typu ŭ Buda-Kašalovie adkryty 5 studzienia 2015 hoda. Budaŭnictva viałosia za košt srodkaŭ respublikanskaha i abłasnoha biudžetaŭ pa dziaržinviestprahramie.
Usiaho ŭ Homielskaj vobłaści pražyvajuć krychu bolš za 4 tys. dziaciej-sirot i dziaciej, jakija zastalisia biez apieki baćkoŭ. U rehijonie 43 dziciačyja damy siamiejnaha typu, u jakich pražyvajuć kala 280 dziaciej-sirot i dziaciej, jakija zastalisia biez apieki baćkoŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary