Brazilskija sacyjalnyja słužby nie stali naličvać prezidentu krainy Mišelu Temieru piensiju za listapad i śniežań minułaha hoda, bo jon nie zrabiŭ abaviazkovaj štohadovaj pierarehistracyi, jakuju kožny hramadzianin krainy pavinien rabić u dzień svajho naradžeńnia.
Hety dakumient, jak tłumačyć telekanał, pieradajecca ŭ sacyjalnyja słužby i śviedčyć pra toje, što čałaviek da hetaha času žyvy. Temieru 23 vieraśnia minułaha hoda spoŭniłasia 77 hadoŭ.
Kali nie pradastaŭlać «dokazaŭ svajho žyćcia», jak heta zrabiŭ prezident Brazilii, rabotniki sacyjalnych słužbaŭ aŭtamatyčna prypyniajuć vypłaty i pakidajuć srodki va ustanovie, raspaviali telekanału va ŭpraŭleńni sacyjalnaha zabieśpiačeńnia San-Paŭłu. Adnak situacyju z prezidentam, jak padkreślili surazmoŭcy Globo, užo imknucca ŭrehulavać.
Temier vyjšaŭ na piensiju ŭ 1999 hodzie. Tady jamu było 58 hadoŭ i jon zajmaŭ pasadu prakurora San-Paŭłu. Temieru naležać štomiesiačnyja vypłaty ŭ pamiery 45 tys. brazilskich reałaŭ (prykładna $ 14 140). Adnak u suviazi z tym, što sa žniŭnia 2016 hoda jon zajmaje pasadu kiraŭnika dziaržavy i atrymlivaje za heta adpaviedny zarobak, štomiesiačnaja piensija była časova źnižana da 22,1 tys. reałaŭ ($6,9 tys.).
-
Šviejcaryja vystupiła suprać abmiežavańnia kolkaści nasielnictva
-
Epatažny śpiavak Oliver Tree i jašče piać čałaviek zahinuli ŭ Brazilii paśla sutyknieńnia viertalotaŭ
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
Kamientary