26-hadovy chłopiec, jaki padazrajecca ŭ ździajśnieńni napadaŭ na žančyn z nažom, zatrymany 3 lutaha kala druhoj hadziny nočy apieratyŭnymi supracoŭnikami HUUS Minharvykankama, paviedamlaje pres-słužba staličnaj milicyi.
Mužčyna napadaŭ na žančyn u mikrarajonie Sierabranka. Pahražajučy nažom, sprabavaŭ zhvałcić achviaru, a taksama zabrać jaje rečy. U studzieni ŭ lasnym masivie na vulicy Jakubava była zhvałtavanaja 18-hadovaja dziaŭčyna, a ŭ dačynieńni da jašče dźviuch žančyn sproby napadu nie byli daviedzieny da kanca: pieraškodzili ludzi, što prachodzili mima.
Padazravany byŭ zatrymany na vulicy Malinina. U maładoha čałavieka byŭ znojdzieny kuchonny nož.
Znachodziačysia ŭ rajonnym upraŭleńni, małady čałaviek pryznaŭsia ŭ złačynstvie i raskajaŭsia. Supracoŭnikam milicyi jon patłumačyŭ, što ździajśniaŭ złačynstvy dziela seksualnaha zadavalnieńnia i materyjalnaha ŭzbahačeńnia. Dla taho, kab uvieści supracoŭnikaŭ milicyi ŭ zman, złamyśnik pieraapranaŭsia ŭ roznuju vopratku, a bačnyja tatuiroŭki chavaŭ pad adzieńniem.
Zatrymanamu 26 hadoŭ, raniej jon pryciahvaŭsia da kryminalnaj adkaznaści za ŭchileńnie ad vajskovaj słužby, aficyjna nidzie pracaŭładkavany nie byŭ, časam padpracoŭvaŭ na aŭtamyjcy.
Kamientary