30-31 sakavika Jeŭrapiejski humanitarny ŭniviersitet (EHU) zaprašaje staršakłaśnikaŭ biełaruskich škoł, himnazij i licejaŭ na viasnovyja Dni adčynienych dźviarej u Vilni. Mierapryjemstva adbudziecca ŭ novym navučalnym korpusie EHU — byłym budynku Aŭhustynskaha klaštara, raźmieščanaha ŭ Starym horadzie Vilni, jaki ŭklučany ŭ śpis abjektaŭ Suśvietnaj spadčyny JUNIESKA.
Štohod padčas Dzion adčynienych dźviarej abituryjenty EHU majuć mahčymaść paznajomicca z navučalnymi prahramami, vykładčykami, studentami i vypusknikami EHU, zadać pytańni pra pastupleńnie, stypiendyi, udzieł u prahramach abmienu, a taksama zdać ustupnyja ispyty va ŭniviersitet.
Važna! EHU dapamahaje atrymać biaspłatnuju vizu dla naviedvańnia Dzion adčynienych dźviarej dla vučniaŭ škoł, himnazij, licejaŭ, kaledžaŭ, a taksama słuchačoŭ kursaŭ u centry «Prapilei». Rehistracyja na mierapryjemstva ź vizavaj padtrymkaj dla navučencaŭ projdzie da 11 lutaha (uklučna).
Rehistracyja bieź vizavaj padtrymki adbudziecca da 22 sakavika (uklučna).
Rehistracyja na Dni adčynienych dźviarej u Vilni prachodzić pa spasyłcy.
Prahrama Dzion adčynienych dźviarej
30 sakavika (piatnica) udzielniki Dzion adčynienych dźviarej zmohuć zdać ustupnyja ispyty pa ese i kampazicyi. Atrymanyja vyniki abituryjenty mohuć vykarystoŭvać pry pastupleńni ŭ EHU u 2018 hodzie.
31 sakavika (subota) projdzie vystava adukacyjnych prahram EHU, profilnyja sustrečy abituryjentaŭ z vykładčykami, administracyjaj, studentami i vypusknikami ŭniviersiteta, a taksama ispyt pa zamiežnaj movie.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary