Uść-Łabinski sud Krasnadarskaha kraja 9 lipienia razhledzieŭ pazoŭ biznesmiena Aleha Dzierypaski da Anastasii Vašukievič (Naści Rybki) i Alaksandra Kiryłava (Aleksa Leśli) nakont abarony niedatykalnaści pryvatnaha žyćcia.
Sudździa zadavoliŭ patrabavańni biznesmiena častkova. Iskavyja patrabavańni zadavoleny napałovu - Dzierypaska patrabavaŭ spahnać z kožnaha adkazčyka miljon rasijskich rubloŭ (kala 15 800 dalaraŭ).
Sud častkova zadavoliŭ isk da Nasty Rybki i Aleksa Leśli i pastanaviŭ spahnać pa 500 tys. rub. (pa 15 700 biełaruski rubloŭ) maralnaj škody z kožnaha.
Sud abaviazaŭ ich vydalić materyjały, jakija tyčacca asabistaha žyćcia biznesmiena, a taksama zabaraniŭ ich zachoŭvańnie i raspaŭsiudžvańnie ŭ budučyni.
Skandał z materyjałami pra asabistaje žyćcio Dzierypaski pačaŭsia paśla taho, jak 8 lutaha 2018 hoda Alaksiej Navalny vypuściŭ rasśledavańnie na asnovie analizu fatahrafij i zapisaŭ z Instagram rabotnicy industryi eskortnych pasłuh Naści Rybki, a taksama materyjałaŭ ź jaje knihi «Dziońnik pa spakušeńni miljardera». U ich śćviardžałasia, što rasijski vice-premjer i kiraŭnik aparata ŭrada Siarhiej Prychodźka ŭ supravadžeńni Rybki adpačyvaŭ na jachcie Elden miljardera Aleha Dzierypaski, abmiarkoŭvajučy dziełavyja pytańni.
Leśli i Rybka ciapier znachodziacca ŭ turmie Tajłanda ŭ čakańni suda.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary