Stvaralnik sietki hruzinskaha fastfudu raspavioŭ, jaki vynik atrymaŭ ad rekłamy na «NN»
Žurnalistki z Redakcyi Nivy/Niny razam z Gruzin.by zładzili sumiesny prahlad paŭfinału ČS pa futbole. Lohki, viasioły i smačny repartaž u vyniku nabraŭ bolš za 12 000 prahladaŭ. Zadavolenyja ŭsie: dziaŭčaty dobra praviali čas za razmovami pra futboł i dehustacyjaj hruzinskaj ježy, a Gruzin.by atrymaŭ zamovy ad našych čytačoŭ, jakija niaroŭna dychajuć da chačapury i chinkali.
Toje vynikaje z razmovy z dyrektaram sietki hruzinskaha fastfudu Juryjem Kustam, jakoha my raspytali pra stratehiju prasoŭvańnia brenda i kiejs z «Našaj Nivaj».
NN: Časam kampanii kažuć, što im rekłama niepatrebnaja. Maŭlaŭ, usio i biez taho «akiej», klijenty jość, možna pracavać i tak. Navošta vam rekłama?
JUK: Ja ŭvohule nie razumieju, jak možna kazać, što «rekłama niepatrebnaja». Heta pytańnie ź sieryi «Navošta čałavieku kisłarod?» Jak bieź jaho?
NN: Siońnia bieźlič placovak, dzie možna źmiaščać rekłamu. Čamu «Naša Niva»?
JUK: My raźmiaščajemsia nie tolki na «Našaj Nivie». Litaralna ciapier dajom intervju na «Pra biznes» i ŭklučajem kantekstnuju rekłamu. My bačym sens u tym, kab pastupova zapuskać dastaŭku. Kab nie apynucca ŭ situacyi, kali pra ciabie piša koko.by, a ty kasiačyš, usio staparycca, kuchnia ŭ panicy, kurjer nie viedaje, kudy biehčy, a koł-centr nie razumieje, jak afarmlać zamovy. To bok ja chaču raźvivacca niaśpiešna i płanamierna.
Ja i raniej viedaŭ, što NN.by — dobry partał. Prykładna ŭjaŭlaŭ, jaki atrymaju vynik ad rekłamy, bo my ŭžo raźmiaščalisia dva ci try hady tamu. Ja razumieju, što atrymlivaju za tyja hrošy, što vy prapanoŭvajecie, i heta dakładna taho varta. Vy, u peŭnym sensie, dobraja prystupka dla nas u nabirańni abarotaŭ.
Toje, što rekłama na biełaruskaj movie, dyk čamu b i nie?
Kali zirnuć pa Similarweb, to ŭ «NN» — 2 miljony vizitaŭ u miesiac i 39% admoŭ. U paraŭnańni ź minskimi partałami heta vydatnyja ličby.
Mnie vielmi spadabałasia prapanova. I što ja čakaŭ, toje i atrymaŭ.
NN: Što dla vas efiektyŭnaja rekłama?
JUK: Mnie zdajecca, što kantekstnaja rekłama — samaja tannaja, jakaja moža być na siońnia, i efiektyŭnaja. Ale kali kazać pra supracu z «Našaj Nivaj», to tut treba adznačyć, što akramia klijentaŭ, jakich vy nam daście adrazu i jakija sa startu adabjuć rekłamu, vy jašče zrobicie važnuju reč dla Huhła, dla prasoŭvańnia — «załatuju spasyłku». Toje, što vy stavicie follow, a nie nofollow-spasyłku na nas — heta kruta. Vy dzieliciesia trafikam, dzieliciesia ranžyravańniem u Huhle. Tyja ludzi, jakija nie razumiejuć, navošta rekłama, 100% nie razumiejuć, pra što idzie havorka.
Tamu ahułam atrymaŭsia vydatny deal. Ja mierkavaŭ, što mahło niešta źmianicca za apošnija niekalki hod, ale nie — usio kruta.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary