Kab adnavić zhubleny ci sapsavany dakumient ab adukacyi, nieabchodna źviarnucca ŭ adpaviednuju ŭstanovu adukacyi (škołu, SSNU, VNU) i napisać zajavu z ukazańniem pryčyny adnaŭleńnia (zhubleny, sapsavany, źmiena proźvišča). Z saboj treba zachapić pašpart i kvitok ab apłacie dziaržpošliny (akramia asnoŭnych rekvizitaŭ, abaviazkova ŭdakładnicie kod płaciažu ŭ biudžet). Kali dublikat dypłoma atrymlivajecca nie pa pryčynie jaho straty, nieprydatny dla karystańnia aryhinał viartajecca.
Kali atestat zhubleny niepaŭnaletnim, pa dublikat źviartajucca jaho baćki. U vypadku sa źmienaj proźvišča dadatkova prykładajecca paśviedčańnie ab zaklučeńni šlubu (u dublikacie zastaniecca dziavočaje proźvišča).
Za adnaŭleńnie školnaha atestata pryjdziecca addać 0,1 bazavaj vieličyni. Adnaŭleńnie dypłoma siarednieśpiecyjalnych i vyšejšych ustanoŭ kaštuje ŭdvaja bolej — 0,2 bazavaj vieličyni. Dublikat dadatka da dakumienta robicca biaspłatna.
Termin adnaŭleńnia dla atestata i dypłoma adnolkavy — 15 dzion ad momantu padačy zajavy. Adnak kali navučalnaja ŭstanova budzie źviartacca pa infarmacyju ŭ inšyja arhanizacyi, termin moža pavialičycca da adnaho miesiaca.
Što rabić, kali patrebnaja ŭstanova adukacyi likvidavanaja ci rearhanizavanaja?
U vypadku rearhanizacyi pieršapačatkova nieabchodna źviarnucca ŭ miascovaje ŭpraŭleńnie adukacyi, adkul vas nakirujuć va ŭstanovu, pryznačanuju pravapierajemnikam. Mienavita tam i zachoŭvajucca archiŭnyja dadzienyja.
Kali ŭstanova adukacyi była likvidavanaja — źviartajciesia ŭ archiŭ pa miescy znachodžańnia arhanizacyi adukacyi.
Kopii samich dakumientaŭ i ich dadatkaŭ, vydadzienyja dziaržaŭnymi, viedamasnymi i pryvatnymi archivami i ich filijałami, źjaŭlajucca aficyjnymi dakumientami i majuć jurydyčnuju siłu aryhinała.
Adnoŭlenyja dakumienty vydajucca na błankach uzoru, jaki dziejničaje na momant pryniaćcia rašeńnia ab vydačy dublikata.
Zhubleny dypłom navučalnaj ustanovy inšaj krainy? Asabista źviarniciesia z tymi ž dakumientami ŭ tuju ŭstanovu. Niuansy i detali vam raskažuć na miescy.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary