Brescki błohier Piatruchin pravioŭ troje sutak u izalatary za «niepadparadkavańnie milicyi»
Brescki błohier Siarhiej Piatruchin — viadomy ŭ Jutubie jak «Narodny reparcior» — byŭ zatrymany 27 lipienia. Da jaho dadomu pryjšli ŭčastkovyja Tarasiuk i Dźmitruk, a taksama amapaŭcy, jakija chacieli pravieści ahlad pamiaškańnia.
Ahlad byŭ źviazany z tym, što 24 lipienia zajavu na Piatruchina napisaŭ major Mikałaj Rabuška. Za dzień da hetaha na staroncy błohiera Ukantakcie źjaviŭsia nastupny dopis, dzie jon paraŭnaŭ učastkovaha z fašystami za toje, što jon, pa słovach Piatruchina, trymaŭ jaho i sielanina ź Biarozaŭskaha rajona Kabanava ŭ aŭtazaku pry tempieratury nižejšaj za minus 20.
«Piatruchinu pašancavała bolš — na sud jaho paviali pieršym, a Kabanaŭ prasiadzieŭ na lutym choładzie try hadziny», — adznačaŭ Piatruchin.
Sam błohier vioŭ strym zatrymańnia na svajoj staroncy ŭ jutubie. Jon aburaŭsia, što jamu nie chočuć pakazać prakurorskuju pastanovu, a tolki začytvajuć jaje i nie dajuć u ruki. Piatruchin admaŭlaŭsia puskać milicyju ŭ kvateru biez svajho advakata. U vyniku jaho zatrymali za «niepadparadkavańnie zakonnym dziejańniam milicyi». Ciapier nad im musić adbycca sud.
Usie vychadnyja Piatruchin pravioŭ u izalatary. Kaža, što tam staŭleńnie da jaho było «narmalnym». Dali pačytać knihi Viktara Pialevina.
25 lipienia stała viadoma, što Piatruchin prachodzić jak padazravany pa kryminalnaj spravie «za abrazu».
Na Siarhiej Piatruchina na Jutubie padpisana bolš za 17 tysiač karystalnikaŭ. Kožnaje jahonaje videa nabiraje ad 5 da 15 tysiač prahladaŭ.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1212
Kamientary