Śpiecsłužby niekalkich zachodnich krain ź lutaha abmiežavali kantakty z kalehami ŭ Aŭstryi z-za ich mahčymych suviaziej z Rasijaj, paviedamlaje AFP.
U lutym u Fiederalnym viedamstvie abarony kanstytucyi i baraćby z teraryzmam (BVT) u Vienie prajšli pieratrusy, padčas jakich byli kanfiskavanyja sakretnyja dakumienty.
Aficyjna pieratrusy tyčylisia vytvorčaści paŭnočnakarejskich pašpartoŭ u Aŭstryi, jakija nibyta tajemna pieradavalisia uładam Paŭdniovaj Karei.
Ale paśla ich pieratrusaŭ śpiecsłužby adrazu niekalkich zachodnich krain pierastali dzialicca infarmacyjaj z aŭstryjskaj kontrvyviedkaj. U ich byli aściarohi, što niekatoryja z hetych (kanfiskavanych sakretnych) dakumientaŭ mahli apynucca na pracoŭnym stale Uładzimira Pucina.
Aŭstryjskija ŭłady pieradaču danych Rasii admaŭlajuć. Kiraŭnik aŭstryjskaj kontrraźviedki Pieter Hrydlinh zapeŭniŭ, što jaho viedamstva praciahvaje supracoŭnictva ź inšymi śpiecsłužbami «ŭ asnoŭnych halinach, a mienavita ŭ halinie baraćby z teraryzmam». Kancler Aŭstryi Siebaśćian Kurc zajaviŭ, što tyja, chto vykazvajuć takoha rodu aściarohi, «vydajuć žadanaje za realnaje».
Adnak, jak padkreślivaje AFP, takija sumnieńni padsiłkoŭvajucca u pieršuju čarhu ciesnymi suviaziami pamiž prezidentam Rasii Uładzimiram Pucinym i aŭstryjskaj kiroŭnaj pravaj Partyjaj svabody.
Tryvoha ŭ suviazi z mahčymaj pieradačaj sakretnych danych Rasii źjavilisia ŭ aŭstryjskich ŚMI paśla taho, jak u minułuju subotu, 18 žniŭnia Uładzimir Pucin pabyvaŭ na viasielli kiraŭnika MZS Aŭstryi Karyn Knajsl.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary