Novyja praviły hramadskaha transpartu: pasažyr biez kvitka abaviazany ŭvachodzić praź piarednija dźviery
«Chočaš nabyć kvitok — zajdzi ŭ piarednija dźviery», — pra hetyja dy inšyja źmieny dla pasažyraŭ i kiroŭcaŭ hramadskaha transpartu, jakija zapracujuć z 12 kastryčnika, raspavioŭ na pres-kanfierencyi, pryśviečanaj novaj redakcyi Pravił aŭtamabilnych pieravozak pasažyraŭ, Siarhiej Dubina, načalnik upraŭleńnia aŭtamabilnaha i haradskoha pasažyrskaha transpartu Mintransa Biełarusi.
— Zaraz pasažyr, jaki nie maje prajaznoha bileta, ale maje namier jaho kupić u kiroŭcy, pavinien zachodzić u piarednija dźviery transpartnaha srodku, — adznačyŭ Siarhiej Dubina. — Adkaznaści za parušeńnie hetaha praviła niama, ale kali taki čałaviek zajšoŭ na zadniuju placoŭku ŭ hadzinu pik, to kantralor moža jaho aštrafavać. Dovady, što pasažyr prosta nie paśpieŭ prajści da kabiny, kab kupić bilet, nie buduć pryniatyja jak apraŭdalnyja.
Taksama ŭvodzicca abaviazak pasažyraŭ pry ŭvachodzie ŭ transpartny srodak prykładać da validatara elektronny bilet. U budučyni, kali budzie ŭviedzienaja sistema apłaty prajezdu za adlehłaść, prykładać bilet daviadziecca i na vychadzie.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1212
Kamientary