Šunievič: Aŭtaryzacyja ŭ internecie dyscyplinuje hramadstva. Za kožny ŭčynak čałaviek pavinien adkazvać
Takoje mierkavańnie ŭ prahramie «Hałoŭny efir» na telekanale «Biełaruś 1» vykazaŭ ministr unutranych spraŭ Biełarusi Ihar Šunievič, piša BiełTA.
Na dumku kiraŭnika MUS, lubaja sacyjalnaja dziejnaść pavinna adbyvacca pa peŭnych praviłach, kali hetych praviłaŭ niama, to adbyvajecca anarchija, biezuładździe i prynižeńnie pravoŭ, svabod i asoby hramadzianina.
«Kali takich pravił niama, to jany pavinny być raspracavany. Heta majo mierkavańnie. Adkaznaść za ździajśnieńnie supraćpraŭnych dziejańniaŭ nie važna ŭ jakoj śfiery, vobłaści abo formie pavinna nastupać, biezumoŭna. Aŭtaryzacyja ŭ internecie dyscyplinuje hramadstva, karystalnikaŭ u sietcy.
Bo, davajcie pryznajemsia, internet zaraz — heta zona absalutna biezadkaznych pavodzinaŭ, vykazvańniaŭ, mierkavańniaŭ, abraz, raspaŭsiudžvańnia paklopu, ździajśnieńnia šerahu kankretnych kryminalnych złačynstvaŭ, administracyjnych pravaparušeńniaŭ. Za kožny ŭčynak čałaviek pavinien adkazvać, asabliva kali jon parušaje niečyja pravy, intaresy. Zychodziačy z hetaha, liču metazhodnym, pravilnym i svoječasovym vyrašeńnie pytańnia ab identyfikacyi ŭdzielnikaŭ hetaha pracesu. Heta značyć ŭsiodazvolenaści ŭ niejkaj stupieni budzie pastaŭleny barjer», - adznačyŭ Ihar Šunievič.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ10
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary