Mužčyna, jaki žorstka zabiŭ baćku z-za 10 rubloŭ, atrymaŭ 16 hadoŭ kałonii ŭzmocnienaha režymu, paviedamlaje Viarchoŭny sud. Złačynstva adbyłosia ŭ vioscy Vialikaja Uchałoda Barysaŭskaha rajona ŭ studzieni, paviedamlaje Tut.by.
34-hadovy abvinavačany, znachodziačysia ŭ stanie ałkaholnaha apjanieńnia, doma padčas svarki sa svaim baćkam nanios tamu nie mienš za 25 udaraŭ rukami i nahami. 64-hadovy mužčyna pamior.
Śledstva vyśvietliła, što kanflikt pamiž svajakami adbyŭsia z-za hrošaj. Napiaredadni abvinavačany pakinuŭ 10 rubloŭ na chaładzilniku. Kali daviedaŭsia pra toje, što ich uziaŭ baćka, mocna razzłavaŭsia i staŭ źbivać mužčynu, jaki lažaŭ u łožku.
Abvinavačany pryznany vinavatym u zabojstvie, učynienym z asablivaj žorstkaściu, jamu pryznačana pakarańnie ŭ vyhladzie pazbaŭleńnia voli na termin 16 hadoŭ z adbyvańniem pakarańnia ŭ kałonii ŭzmocnienaha režymu z prymusovym lačeńniem ad chraničnaha ałkahalizmu.
Prysud u zakonnuju siłu nie ŭstupiŭ.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary