U sudzie Centralnaha rajona Minsku prakuror zaprasiŭ piać i vosiem hadoŭ pazbaŭleńnia voli dla stvaralnic internet-supołki «Marharytka Marharytka».
Maci (Volha Antonava) i dačka (Kaciaryna Banadysieva) abvinavačvajucca ŭ machlarstvie. Paciarpiełych — bolš za tysiaču, uron — kala $900 tysiač.
Prakuror zapytaŭ 5 hadoŭ pazbaŭleńnia voli dla Antonavaj i 8 hadoŭ pazbaŭleńnia voli dla Banadysievaj u papraŭčaj kałonii ahulnaha režymu z kanfiskacyjaj usioj majomaści, piša Tut.by.
Pa viersii śledčych, Volha Antonava i Kaciaryna Banadysieva stvaryli ŭ pačatku 2015 hoda internet-kramu ŭ sacyjalnych sietkach. U supołkach prapanoŭvali kupić roznyja tavary pa nizkich cenach.
Pieravažna heta byli televizary, chaładzilniki, pralnyja mašyny, mikrachvaloŭki, tavary dla dziaciej. Zakaz afarmlaŭsia prosta — treba było pieraličyć hrošy na rachunak pradaŭca abo addać hrošy «na ruki» pradstaŭnicy sa Słucka i čakać, kali tavar pryjedzie. Časta paviedamlałasia pra roznyja akcyi. Naprykład, kuplajučy chaładzilnik i pralnuju mašynu, ludziam abiacali padaryć płaźmienny televizar ci ajfon.
U bolšaści vypadkaŭ tavar da klijenta nie dachodziŭ.
Paciarpiełymi pryznanyja 1263 čałavieki. Bolšaść ź ich — žychary Minska i Słucka.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary