Kiraŭnik CVK Rasii Eła Pamfiłava prapanavała pryznać vybary ŭ Prymorji niesapraŭdnymi, paviedamlaje CVK.
«Ja prapanuju rekamiendavać kamisii Prymorskaha kraja pryznać vyniki vybaraŭ niesapraŭdnymi», — skazała jana na pasiadžeńni CVK. Pry hetym Pamfiłava udakładniła, što navat dadzienyja, jakija maje CVK, dazvalajuć pryniać rašeńnie nie adkładajučy.
«Ciapier u Prymorji znachodzicca naša kamisija pad kiraŭnictvam Sijabšacha Šapijeva. Tyja fakty, jakija ŭ nas jość užo zaraz, dazvalajuć nam razhledzieć hetaje pytańnie siońnia », - patłumačyła kiraŭnik CVK.
Nahadajem, što 16 vieraśnia ŭ Prymorji adbyŭsia druhi tur hubiernatarskich vybaraŭ. Na ich napačatku upeŭniena lidziravaŭ kandydat ad KPRF Andrej Iščanka — paśla apracoŭki 95% pratakołaŭ z vybarčych učastkaŭ jon nabiraŭ 51,6%, a jaho supiernik ad «Adzinaj Rasii» Andrej Tarasienka — 45,8%.
Paśla hetaha razryŭ staŭ rezka skaračacca, pryčym paśla apracoŭki 97,87% pratakołaŭ anłajn-tabło ŭ CVK nie abnaŭlałasia kala hadziny. Za hety pramiežak — z 98,77% da 99,03% apracavanych pratakołaŭ — kolkaść hałasoŭ za Iščanku skaraciłasia na 5, a za Tarasienku — pavialičyłasia na 13,5 tysiač, i adzinaros vyrvaŭsia napierad. Kali było apracavana 99,1% — jon staŭ niedasiahalny.
Pieramoha pieršapačatkova była addadziena Tarasienku, a Iščanka zajaviŭ pra haładoŭku i niepadparadkavańnie.
-
Šviejcaryja vystupiła suprać abmiežavańnia kolkaści nasielnictva
-
Epatažny śpiavak Oliver Tree i jašče piać čałaviek zahinuli ŭ Brazilii paśla sutyknieńnia viertalotaŭ
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
Kamientary