Detektyŭnaja historyja ź Vialikabrytanii.
Žonka śmiarotna chvoraha mužčyny ŭstupiła ŭ zmovu sa svaim kachankam i jaho dačkoj, kab zabić muža. Jany sprabavali atrucić jaho i stralali jamu ŭ tvar.
53-hadovy Rej Uezeroł vyžyŭ paśla niekalkich zamachaŭ na jaho žyćcio, u tym liku paśla taho, jak uzarvaŭsia nahravalnik vady ŭ basiejnie. Tady jon atrymaŭ apioki druhoj stupieni.
32-hadovaja Chejli Uezeroł taksama płanavała pazbavicca muža z dapamohaj snatvornaha i insulinu. Prysiažnyja ŭ sudzie horada Miejdstoŭna ŭ hrafstvie Kient pryznali jaje vinavataj u zmovie z metaj ździajśnieńnia zabojstva.
Jaje paluboŭnik, 49-hadovy Hlen Połard, i jaho 20-hadovaja dačka Chiezer taksama byli pryznanyja vinavatymi pavodle hetaha artykuła.
Sud zasłuchaŭ pakazańni, što ŭ pačatku 2016 hoda daktary skazali Reju Uezerołu, što jamu zastałosia žyć usiaho paŭtara hoda. U jaho byŭ dyjahnastavany rak mozhu, mužčyna taksama pakutuje na dyjabiet i maje patrebu ŭ štodzionnych injekcyjach insulinu, paviedamlaje Kent Online.
Prysiažnyja daviedalisia, što ŭ Chejli byŭ raman z Hlenam Połardam, najlepšym siabram jaje muža, i jany płanavali pačać novaje žyćcio razam. Prakuror Sajman Tejłar zajaviŭ, što na žyćcio Uezeroła było ździejśniena niekalki zamachaŭ.
Sud taksama zasłuchaŭ śviedčańni pra toje, što Hlen Połard u niejki momant admoviŭsia ad jašče adnaho płana — vypchnuć Reja za bort padčas rybałki na łodcy, jakaja naležyć im abodvum.
29 listapada Reju Uezerołu stralali ŭ tvar na prystani, ale jon vyžyŭ — kula trapiła jamu ŭ pravuju skułu. Zmova była raskryta tolki paśla taho, jak vyjaviłasia, što mašyna Chiezer Połard znachodziłasia kala prystani padčas stralby.
Sudździa zasłuchaŭ śviedčańni, što ŭ Połarda byŭ dostup da zbroi, a Hlen byŭ zarehistravanym uładalnikam vintoŭki, ź jakoj moh być zrobleny streł.
Da viedama suda daviali, što Chiezer Połard, jakuju acharaktaryzavali jak «addanuju dačku», u svaju čarhu šukała ŭ internecie samyja efiektyŭnyja sposaby zabić kahości i nie trapicca pry hetym. Pra heta palicyja daviedałasia, vyvučyŭšy jaje telefon.
Prysud usim trom padsudnym budzie vyniesieny ŭ aŭtorak, 20 listapada. Usie jany admaŭlajuć svaju vinu.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary