Hramadzianina Biełarusi Ivana Marčuka va Ukrainie padazrajuć u padpalvańni pradpryjemstvaŭ i handli zbrojaj u składzie hrupy, piša Radyjo Svaboda.
Pravaachoŭnyja słužby Ukrainy na pačatku listapada zatrymali 8 asobaŭ, jakija padazrajucca ŭ 8 rezanansnych złačynstvach z vykarystańniem supraćtankavaj zbroi i niezakonnym prodažam bojeprypasaŭ i vybuchoŭki.
Siarod zatrymanych — hramadzianin Biełarusi, uradženiec Bieraścia Ivan Marčuk. Jak paviedamiŭ Svabodzie advakat, jakoha pryznačyli Marčuku, toj śćviardžaŭ, što raniej słužyŭ u francuskim Inšaziemnym lehijonie. Viadoma taksama, što Ivan Marčuk žanaty i raniej nie pryciahvaŭsia da kryminalnaj adkaznaści.
Abaronca admoviŭsia aceńvać dokazy, sabranyja śledztvam, adznačyŭšy, što na toj momant materyjały spravy byli zakrytyja. Ciapier praciahvajecca dasudovaje śledztva, a ŭ spravie ŭžo inšy advakat, jaki atrymaje dostup da materyjałaŭ paśla zaviaršeńnia raśśledavańnia.
U chadajnictvie, ź jakim śledčy źviarnuŭsia ŭ sud dla aryštu biełarusa, adznačałasia, što jon padazrajecca «ŭ arhanizacyi ŭzbrojenaj bandy z metaj napadu na pradpryjemstvy, ustanovy, arhanizacyi i na niekatorych asobaŭ», a taksama va «ŭdziele ŭ takoj bandzie i ŭčynieńni naŭmysnaha źniščeńnia i paškodžańnia čužoj majomaści šlacham padpału i vybuchu».
Ivanu Marčuku pahražaje da 15 hadoŭ źniavoleńnia.
Adzin z epizodaŭ, jaki inkryminujuć biełarusu, — udzieł u napadzie z hranatamiotam na budynak, dzie mieścicca redakcyja internet-vydańnia «Ukrajinśka pravda» (budynak naležyć budaŭničaj kampanii «Kijivmiśkbud»).
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary