Ukrainski šoumien Uładzimir Zialenski ŭpieršyniu prakamientavaŭ svoj prezidencki rejtynh
Šoumien Uładzimir Zialenski ŭpieršyniu prakamientavaŭ vyniki sacyjałahičnaha apytańnia, dzie havorycca, što jon u druhim tury sastupić prezidenckaje miesca lidaru partyi «Baćkaŭščyna» Julii Cimašenka. Svajo mierkavańnie jon ahučyŭ u kamientary TSN 15 listapada.
«Nakont druhoha miesca — zmahacca dyk zmahacca, kali kazać pra baraćbu. A čaho tut bajacca? U mianie druhoje, u Cimašenki — pieršaje. Narmalna, kali tak. Dobraja bojka. Ale ja dumaju tak, što ja, jak sapraŭdny mužčyna, prosta abaviazany prapuskać žančyn napierad», — skazaŭ Zialenski.
Pry hetym jon zajaviŭ, što rašeńnie pra svoj udzieł u vybarach jon pakidaje na budučyniu.
13 listapada KMIS, Centr Razumkova i sacyjałahičnaja hrupa «Rejtynh» apublikavali apytańnie z nahody chutkich vybaraŭ prezidenta.
Tak, na vybarach Cimašenka nabrała b 20,7% hałasoŭ, a Zialenski - 11,4%. Na trecim miescy — prezident Piatro Parašenka (10,3%).
Akramia taho, kali b Cimašenka i Zialenski prajšli ŭ druhi tur, to vybary vyjhrała b Cimašenka. Kali b u druhi tur prajšoŭ Parašenka i Zialenski, to vyjhraŭ by Zialenski.
Prezidenckija vybary projduć va Ukrainie ŭ sakaviku 2019 hoda.
Praz paŭhoda va Ukrainie adbuducca prezidenckija vybary. Chto asnoŭnyja kandydaty?
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary