Rasijski biznesmen Jaŭhien Pryhožyn, jakoha źviazvajuć z pryvatnaj vajennaj kampanijaj «Vahnier», dapamahaje Kramlu «raspaŭsiudžvać rasijski ŭpłyŭ» na Afrykanski kantynient. Pra heta ŭ aŭtorak, 20 listapada, paviedamiła ahienctva Bloomberg sa spasyłkaj na dźvie krynicy.
Vajskoŭcy-kantraktniki i palittechnołahi ŭ składzie struktur Pryhožyna pradastaŭlajuć pasłuhi pa achovie, uzbrajeńni i praviadzieńni palityčnych kampanij u krainach Afryki «ŭ abmien na prava zdabyčy karysnych vykapniaŭ i inšyja mahčymaści», śćviardžaje ahienctva.
Pavodle jaho źviestak, dziejnaść Pryhožyna achoplivaje paradku dziesiaci krain.
Ad DRK da Madahaskara
Havorka idzie pra dziaržavy, ź jakimi raniej užo było naładžana supracoŭnictva rasijskich vajskoŭcaŭ: Demakratyčnuju Respubliku Konha (DRK), Sudan, Liviju, Madahaskar, Anhołu, Hvinieju, Hvinieju-Bisau, Mazambik, Zimbabve i CAR.
Hetaja dziejnaść jašče bolš aktyvizavałasia na fonie padrychtoŭki Kramla da mižparłamienckaj kanfierencyi «Rasija - Afryka», zapłanavanaj na 2019 h..
Ahienctva nahadała, što Jaŭhien Pryhožyn prysutničaŭ na sustrečy ministra abarony Rasii Siarhieja Šajhu z kamandujučym livijskim nacyjanalnym vojskam Chalifam Chaftaram, jakaja adbyłasia 7 listapada ŭ Maskvie. Pavodle źviestak dvuch surazmoŭcaŭ Bloomberg, struktury rasiejskaha biznesmena akazvajuć vajennyja pasłuhi armii Chaftara ŭ abmien na naftavyja ździełki.
Palittechnołahi Kramla
Akramia taho, palittechnołahi Pryhožyna na etapie vybarčaj kampanii kansultavali Emiersana Mnanhahvu, jaki źmianiŭ na pasadzie prezidenta Zimbabve Robierta Muhabe.
Adnačasova rasijski biznesmen pašyraje svoj upłyŭ i ŭ bahataj karysnymi vykapniami DRK, dzie ŭ śniežni hetaha hoda zapłanavanyja ŭsieahulnyja vybary, a Žazef Kabiła, jaki ad 2001 hoda zajmaŭ pasadu prezidenta, admoviŭsia bałatavacca na treci termin.
Narešcie, rasijskija palityčnyja kansultanty dziejničajuć i na Madahaskary, dzie rychtujecca druhi tur prezidenckich vybaraŭ, paśla taho jak nivodzin z kandydataŭ - a heta dva eks-prezidenty krainy - nie nabraŭ bolš za 50 pracentaŭ hałasoŭ u pieršym tury.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary