Łaŭroŭ: Siońnia rusafobija ŭ niekatorych jeŭrapiejskich dziaržavach uzvodzicca ŭ ranh aficyjnaha dyjałohu
Rasija i Biełaruś sajuźniki i adnadumcy na suśvietnaj arenie. Abiedźvie krainy vialikaje značeńnie nadajuć zachavańniu pamiaci ab ahulnaj historyi, tamu Biełaruś i Rasiju nie mohuć nie turbavać niebiaśpiečnyja tendencyi, źviazanyja sa skažeńniem historyi Vialikaj ajčynnaj i Druhoj suśvietnaj vajny. Pra heta ŭ Minsku na adkryćci sumiesnaha pasiadžeńnia kalehii MZS Biełarusi i kalehii MZS Rasiei zajaviŭ ministr zamiežnych spraŭ Rasii Siarhiej Łaŭroŭ, piša Tut.by.
Siarhiej Łaŭroŭ ličyć, što siońnia ŭ śviecie nie spyniajucca sproby apraŭdać, a to i hieraizavać nacystaŭ i ich pamahatych, pierahledzieć rašeńnia Niurnbierhskaha trybunała.
— Tryvožyć i toje, što paralelna z falsifikacyjaj historyi nabiraje abarot rusafobija, jakaja ŭ niekatorych jeŭrapiejskich dziaržavach uzvodzicca ledź nie ŭ ranh aficyjnaha dyjałohu. U hetych umovach naša ahulnaja zadača — praciahvać metanakiravanyja namahańni pa procidziejańni hetym destruktyŭnym zadumam, vykarystoŭvajučy ŭvieś dastupny palityčny i pravavy instrumientaryj, — zajaviŭ Siarhiej Łaŭroŭ.
Ministr zamiežnych spraŭ zajaviŭ, što Biełaruś i Rasija taksama razam buduć rychtavać mierapryjemstvy da 80-hodździa pačatku Druhoj suśvietnaj vajny, jakija projduć u nastupnym hodzie.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary