Hienieralny dyrektar partała Tut.by Ludmiła Čekina apublikavała dopis u Facebook, dzie tłumačyć situacyju z hramadzianskim pazovam «Sovietskoj Biełoruśsii» pa «spravie BiełTA» da ŭsich abvinavačanych, jakija zachodzili ŭ płatny dostup BiełTA pad parolami, što naležali «Sovietskoj Biełoruśsii».
Kali «Sovietskaja Biełoruśsija» ličyła svaju škodu, jany brali košt svajoj padpiski za miesiac (heta 160 rubloŭ abo 177 rubloŭ za roznyja pieryjady) i pamnažali miesiačnuju staŭku na kožny zachod kožnaha abvinavačanaha, «adbivajučy» takim čynam košt svajoj padpiski ŭ niekalki razoŭ.
Ludmiła Čekina stavić pad sumnieŭ ahučanyja ŭ sudzie fakty «składanaściaŭ z zachodami» ŭ padpisčykaŭ.
— Hetyja «składanaści» naohuł vyklikajuć vialiki sumnieŭ, pakolki sistema, pabudavanaja BiełTA, była «adzin parol na redakcyju» — heta značyć dla niekalkich supracoŭnikaŭ padpisčyka. Kali ŭvachod «niesankcyjanavanaj asoby» moh vyklikać zboj, to sapraŭdy hetak ža zboj moh vyklikać uvachod jašče adnaho «lišniaha» supracoŭnika «SB».
Čekina źviartaje ŭvahu, što ŭ jakaści padstavy pazovu «Sovietskaja Biełoruśsija» zajaŭlaje vyklučna «atrymańnie kankurentnaj pieravahi TAA «TUT BAJ MIEDYA» pry raźmiaščeńni na internet-partale Tut.by apieratyŭnaj i dakładnaj infarmacyi, atrymanaj da taho ž biez apłaty».
— Ale vybačajcie, pra jakuju «kankurentnuju pieravahu» idzie havorka? Bo ŭ «SB. Biełaruś siehodnia» była padpiska, a značyć — byli ŭsie mahčymaści raźmiaščać materyjały BiełTA z maksimalnaj apieratyŭnaściu!
Na dumku Čekinaj, vielmi važna źviarnuć uvahu na toje, što, niahledziačy na najaŭnaść «zachodaŭ» supracoŭnikaŭ Tut.by u padpisku BiełTA «pačytać» (što, na jaje dumku, pytańnie adkaznaści supracoŭnikaŭ, a nie Maryny Zołatavaj), infarmacyja BiełTA raźmiaščałasia na Tut.by paśla źjaŭleńnia jaje ŭ adkrytym dostupie (heta značyć z poŭnym vykanańniem umoŭ dla biaspłatnaha raźmiaščeńnia). Za ŭvieś pieryjad vyjaŭlena tolki dva vypadki, kali heta było nie tak.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary