Načalnik upraŭleńnia infarmacyi i ličbavaj dypłamatyi — pres-sakratar MZS Biełarusi Anatol Hłaz prakamientavaŭ žurnalistam zajavy Dali Hrybaŭskajcie pa vynikach sustreč z prezidentam Aŭstryi i premjer-ministram Finlandyi, na jakich jana pradekłaravała padtrymku hetymi krainami nieprymirymaj pazicyi Litvy ŭ dačynieńni da Biełaruskaj AES, paviedamlaje BiełTA.
Na pytańnie, ci maje takuju infarmacyju MZS Biełarusi, pres-sakratar skazaŭ:
«My ŭvažliva aznajomilisia z paviedamleńniami pa vynikach adznačanych sustreč i pieražyli kahnityŭny dysanans. Składvajecca ŭražańnie, što ŭdzielniki byli na roznych pieramovach abo niešta zdaryłasia ź pierakładčykam. Ni pres-słužby prezidenta Aŭstryi i premjer-ministra Finlandyi, ni najbujniejšyja navinavyja ahienctvy hetych krain navat nie zhadvali pra abmierkavańnie temy Biełaruskaj AES, nie kažučy ŭžo pra padtrymku hetymi krainami radykalnaj pazicyi Litvy pra nieabchodnaść zakryćcia AES».
Anatol Hłaz zaŭvažyŭ, što, kali vieryć Dali Hrybaŭskajcie, to atrymlivajecca, što Finlandyja, jakaja płanuje pabudavać AES pa identyčnym prajekcie, nastojvaje na jaho niebiaśpiečnaści.
«Heta siurrealizm», — ličyć jon.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary