Biełaruski IT-biznesmen pradaje katedž u elitnym pasiołku za $200 tysiač FOTY
IT-biznesmen i vienčurny inviestar Juryj Mielničak pradaje svoj niedabudavany katedž u elitnym pasiołku «Łahožask» kala harnałyžnaha kurorta ŭ Łahojsku. Cana 20 sotak ziamli i 429 «kvadrataŭ» žyłoj płoščy — 438 200 biełaruskich rubloŭ ($200 tysiač).
«Pradaju, bo susiedni dom z ramontam byŭ vystaŭleny na prodaž, i ja jaho adrazu kupiŭ, kab nie tracić siły na ramont», — patłumačyŭ pradprymalnik na svajoj staroncy ŭ fejsbuku.
Jak stała viadoma «Našaj Nivie», miesiac tamu Mielničak kupiŭ u Łahožasku dva novyja damy ahulnym koštam kala 1 miljona rubloŭ (kala $470 tysiač)
Pasiołak «Łahožask» znachodzicca za 27 kiłamietraŭ ad Minska. Tam kruhłasutačnaja achova i aharodžanaja terytoryja. Jość svaja artezijanskaja śvidravina, voziera ź plažam, trenažornaja zała i restaran.
Dom, jaki pradajecca, byŭ pabudavany ŭ 2012 hodzie. Stupień hatoŭnaści — 85%. Try ŭzroŭni, terasa, pamiaškańnie pad kinazału, haraž. Pieršy pavierch — žalezabieton, druhi — klejeny brus. Padviedzieny ŭsie centralnyja kamunikacyi.
«Ludziam, jakija daviedalisia pra dom z fejsbuka i napisali ŭ kamienty, ja hatoŭ sastupić jaho pa canie pakupki i afarmleńnia, kali čałaviek budzie dobra ŭpisvacca ŭ pasiałkovaje kamjunici», — paabiacaŭ Juryj Mielničak.
«Łahožask» — katedžny pasiołak kampanii «Trajpł». Tut budavaŭ dom i sam zasnavalnik biznes-impieryi Juryj Čyž.
Čytajcie: Juryj Čyž dabudoŭvaje pad Minskam svaje novyja rezidencyi — repartaž
Čytajcie: Fiłaret nabyŭ katedž u pasiołku Čyža, jašče adzin dom BPC atrymała ŭ padarunak FOTY
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy10
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary