U Francyi viehanaŭ prysudzili da turmy. Jany napadali na miasnyja kramy
U francuzskim horadzie Lil sud vynies prysud čatyrom radykalnym viehanam, jakija ździejśnili 15 napadaŭ na miascovyja restarany, kramy i miasnyja łaŭki ŭ 2018 hodzie, paviedamlaje Nastojaŝieje vriemia.
Dvum abvinavačanym dali šeść miesiacaŭ zavočnaha zaklučeńnia, jašče dvuch prysudzili da šaści i dziesiaci miesiacaŭ turmy.
Hrupa pačała napady ŭ krasaviku 2018 hoda. Jany napadali na miasnyja łaŭki, a taksama na adzin rybny mahazin, adnu łaŭku pa prodažy syru i dalikatesaŭ i adzin restaran McDonald's.
U palicyi vyśvietlili, što ŭsie ŭdzielniki hrupy byli viehanami i takim čynam pratestavali suprać prodažu miasa i miasnych praduktaŭ.
Pravaachoŭniki raspaviali, što aktyvisty raźbivali vitryny mahazinaŭ, ablivali ścieny falšyvaj kryvioju i pakidali na miescy złačynstva nadpis: «Stop Speciesism». Hety łozunh viehany vykarystoŭvajuć u svajoj kampanii za etyčnaje abychodžańnie z žyviołami.
U 2018 hodzie ŭ krainie ździejśnili kala 50 napadaŭ na kramy, dzie pradavalisia miasnyja tavary, nie tolki ŭ Lili.
-
Tak receptaŭ biełaruskich straŭ jašče nichto nie zdymaŭ VIDEA
-
«Šanoŭnyja siabry, dziakuju vam za padtrymku». Rasijski błohier Illa Varłamaŭ u intervju zhadaŭ Biełaruś i biełaruskuju movu
-
Błohierka, što pierajechała ź Piciera pad Minsk, skardzicca, što nivodzin zabudoŭščyk nie źviarnuŭsia da jaje pa rekłamu
Kamientary