Žychary Baraŭlan svaimi siłami zrabili na lasnoj palanie futbolnaje pole, a lashas usio pieraaraŭ i pasadziŭ sasonki FOTY
10 hod tamu inicyjatyŭnyja žychary Baraŭlan vyrašyli davieści da ładu nievialikuju palanu ŭ lesie pobač z damami, kab aktyŭna bavić tam čas. Rasčyścili svaimi siłami 12 sotak ziamli, zamovili traktar, vyraŭniali nadzieł, zasiejali hazonam, trava drenna pryžyłasia — pierasiejali nanoŭ.
Dahledžanaje pole stała miescam pryciahnieńnia miascovych žycharoŭ: na zacišnaj soniečnaj palanie hulali ŭ futboł, badminton, adpačyvali, navat adnojčy zładzili viasielle. Abstalavali placoŭku varotami, zručnymi łavami, kab usim było zručna, rehularna sami stryhli hazon.
Jaki byŭ šok u miascovych, kali jany daviedalisia, što ŭ minułuju piatnicu placoŭku razarali i vysadzili na joj sadžancy sasny.
Abarunyja žychary Baraŭlan źviarnulisia ŭ miascovy lashas pa tłumačeńni, voś što im adkazali, piša Onliner.by:
«Na našy pytańni adkazvali koratka: «Tut pa płanie les», «Miesca nie pavinna pustavać», «Užo ničoha nie admianić», «Ziamla nie vaša». Vielmi škada, viadoma. Ja nie suprać azielanieńnia, ale navošta było źniščać toje, što prynosiła stolki karyści? Niaŭžo na terytoryi lashasa nie znajšłosia inšaha miesca dla hetych sadžancaŭ? Prahalin u lesie ž šmat… Pa čutkach, u lashasa byli sadžancy i treba było ich dzieści terminova pasadzić. Napeŭna, traktaru było zručna prajechać pa našu palanu, voś i abrali jaje», — skrušna dzielicca Alaksandr. Jon byŭ adnym z tych, chto pieršym uziaŭsia za spravu i rehularna hulaŭ u futboł na poli.
Pa prośbie Onliner.by dyrektar Baraŭlanskaha śpieclashasa Alaksandr Miranovič prakamientavaŭ situacyju:
«Heta terytoryja Dziaržlasfondu. U lashasa jość ulik ziamiel, dzie padobnyja placoŭki ličacca niametavym vykarystańniem. U suviazi z čym, zhodna z prajektam RUP «Biełdziaržles» pa ŭliku ziamiel lasnoha fondu, usie prahały (a hetaja placoŭka ličycca prahałam) pavinny być adnoŭleny šlacham sadziejničańnia naturalnamu adnaŭleńniu abo štučna stvoranymi lasnymi kulturami».
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary